Flash News

9 muaj pasi mori detyrën, dorëhiqet Shefi i Gardës, Ermal Onuzi

Thyen arrestin, vjedh makinë dhe arratiset si në film, kapet hajduti serial nga Tirana!

Emri/ Mashtroi klientët dhe i mori paratë, shpallet në kërkim avokatja

Goditet grupi kriminal, trafikonte d*ogë nga Spanja drejt Finlandës, ‘kokat’ e grupit ishin shqiptarë

Shpëtoi nga mbytja në Durrës, flet 31-vjeçarja angleze: U përmbysëm në çast, shoku im mbeti poshtë mjetit

Ditari i Maxhorancës

Nga ndërtimi i bazës ajrore të Kuçovës te shtimi i fondeve për rindërtimin, vendimet që mori sot qeveria

Politiko 9 Dhjetor 2021, 10:00

Nga ndërtimi i bazës ajrore të Kuçovës te shtimi i

Qeveria mori disa vendime këtë të enjte, të cilat u prezantuan për mediat nga ministrat përkatës. Zëvendëskryeministri Arben Ahmetaj bëri me dije se u firmos vendimi që financimi për procesin e rindërtimit të rritet me 7 miliardë lekë.

“Sot kaluam një grup vendimesh për rindërtimin, të cilat bëjnë avancimin e detyrueshëm për financimin e të gjitha bashkive përmes Fondit Shqiptar të Zhvillimit. Llogaria e rindërtimit, i gjithë fondi për këtë vit kalon nga 28 miliardë lekë në 35 miliardë lekë. Avancimi është bërë për të përshpejtuar proceset e rindërtimit që të kemi mundësi të kthejmë në shtëpitë e tyre ose në shtëpi të rindërtuara, apo në shkolla dhe kopshte, ndërtesa publike, të gjithë qytetarët dhe ato institucione që në 2019 u detyruan të largoheshin”, tha Ahmetaj.

Ndërsa ministri i Mbrojtjes Niko Peleshi dha lajmin se në fillim të muajit janar do të nisë ndërtimi i bazës ajrore të NATO-s në Kuçovë. Ai shtoi se kjo do të përkthehet në vende të reja pune dhe rritje të nivelit të sigurisë.

"Miratuam propozimin e minisitrisë së Mbrojtjes që lidhet me projektin më madhor në fushën e zhvillimit të infrastrukt të Forcave të Armatosura, për bazën ajrore të Kucovës e cila me vendimin e sotëm kompleton kuadrin rregullator ligjor i hap rurgën fillimit të punimeve.

Në ditët e para të janarit do vendosim gurin e parë të bazës taktite të Kucovës, bazë taktike e NATO-s, lajm i mirë për ata që preken do shpronësohen sipas vlerës së plotë të tregut bazuar në gjithë aktet ligjore dhe pa asnjë vonesë. Lajm i mirë për banorët e zonës përrteth investim që do të thotë zhvillim ekonomik dhe punësim për gjithë zonën. Për sigurinë në rajonin e Ballkanit Perëndimor se do kemi një bazë taktike ajrore të NATO-s, siguri më shumë për sot dhe për nesër", tha Peleshi.

Ministrja e Infrastrukturës dhe Energjisë Belinda Balluku ka paralajmëruar se moti do të përkeqësohet dhe u bëri thirrje qytetarëve që të kenë kujdes. Ajo bëri me dije se në mbledhjen e qeverisë u miratuan dy akte që lidhen me krizën energjitike që po kalon vendi, ndërsa ritheksoi se nuk do të ketë rritje të çmimit.

"Qytetarët të kenë kujdes në zonat ku banojnë. Moti do të përkeqësohet në të gjitha zonat e Shqipërisë. Ne kemi kaluar dy akte shumë të rëndësishme. I pari për një ndryshim të disa indikatorëve të OSHEE, që kanë të bëjnë me tërmetin e 26 nëntorin, më pas me pandeminë dhe padyshim me krizën energjetike. Gjithashtu vendim edhe në drejtim të lehtësimit të pasojave të krizës energjetike. 

Akti i dytë që është edhe akti më i rëndësishëm i kaluar për sot që prek të gjithë qytetarët. Theksoj faktin që nuk do ketë rritje të çmimit të energjisë. Këtë qeveria e ka siguruar që në muajin tetor. Sot kemi kaluar një ndryshim në projekt-vendimin për kushtet e vendosjes së detyrimit publik gjatë gjendjes së emergjencës. Sot kemi bërë ndryshime të rëndësishme për të adresuar këtë krizë energjetike”, tha ndër të tjera Balluku.

Ndërsa ministrja e Arsimit Evis Kushi bëri me dije se u miratua marrëveshja mes Shqipërisë dhe BE-së për kërkimin shkencor dhe inovacionin

"Miratuan marrëveshjen mes BE dhe Shqipërisë për pjesëmarrjn në programin e unionit 'Hurricion Europe' për kërkimin shkencor dhe inivacionin. Duke qenë se janë thelbësore për zhvillimin e qëndrueshëm BE kërkon të krijojë një zonë të përbashkët për kërkimin shkencor dhe invacionin", tha Kushi.

 

Të fundit