Nga Rama te Haki Çako mblidhen në bazën ajrore të Farkës për menaxhimin e zjarreve në vend, bilanci i dëmeve

Kryeministri Edi Rama ka marrë pjesë në një aktivitet që u zhvillua në bazën ajrore në Farkë, mbi menaxhimin që iu bë situatës së zjarreve në vendin tonë. Kujtojmë që në muajin korrik dhe gusht vendi ishte nën pushtetin e flakëve, si pasojë e të cilave humbën jetën dy persona në Gjirokastër.

Rama ka falenderuar forcat që morën pjesë për shuarjen e zjarreve në vend, si ddhe shtetet që dhuruan mjete. Ai tha se shumë vende nuk mund të ndihmonin, pasi po përballeshin edhe vetë me të njëjtën situatë. Ndaj shtoi kreministri, BE ka një mekanizëm për të ndihmuar në fillim shtetet që janë pjesë e saj, në rast emergjence.

“Shpreh vlerësimin e mundshëm të gjithë atyre që u angazhuan, manifestuan një ndjenjë të lartë sakrifice dhe përkushtimi dhe këtu kam parasysh  të gjitha forcat e angazhuara në terrenet e vështira. FA, Forcat zjarfikëse, forcat policore, bashkiake, vullnetare. FA treguan sakrificë dhe përkushtim.

Nuk është e rastësishme që BE ka ngritur një mekanizëm për të asistuar në rradhë të parë shtetet e familjes së vetë që janë në emergjencë. Katastrofat e mëdha të natyrës asnjë shtet si përballon dot vetë. Në rastin tonë kemi ende shumë mangës”, tha Rama.

Përveç modernizimit të strukturave, ky i fundit ka premtuar rritje të pagave për punonjësit e Emergjencave Civile.

“Do bëjmë atë që duhet për të rritur edhe pagën. Që nuk do jetë asnjëherë e mjaftueshme, por është një motiv më shumë, jo vetëm për të çuar në shtëpi më shumë të ardhura, por për të ndjerë edhe respektin për punën që bën”, tha Rama.

Ministri i Mbrojtjes Niko Peleshi tregoi numrin e trupave të angazhuar për të vënë nën kontroll flakët. Ai tha se 70% e siperfaqes së djegus ishte me shkurre, duke shtuar se ishte shmangur e keqeja.

Kjo situatë e ka bërë Peleshin të reflektojë për rritjen e kapaciteteve. Këtë e konfirmoi vetë ministri, teksa u shpreh se modernizimi i Mbrojtjes Civile është i domosdoshëm.

“4.960 trupa dhe 152 mjete të FA, 3309 trupa dhe 113 mjete zjarrfikëse, 1.914 forca lokale të të gjitha bashkive 1.400 forca vullnetare, 489 efektivë të policisë dhe 606 forcat e shërbimit pyjor.

Kjo ishte fuqia njerëzore dhe motorike e operacioneve nga toka për të luftuar me 389 vatra të zjarrit në të gjithë vendit në harkun e dy muajve. Ndërkohë për ndihmën nga ajri, iu bashkuan forcës sonë tre helikopterë nga Holanda

Janë mbi 3 mijë hektarë të prekura. Mbi 70% të tyre ishin shkurre, kjo do të thotë që kemi shmangur më të keqen. Sot s’është një ditë falenderimesh, por edhe konkluzionet. Kjo përballje na ka treguar sa i domosdoshëm është modernizimi i Mbrojtjes Civile, ne po punojmë në këtë drejtim", deklaroi Peleshi.

Ndërkohë kreu i Emergjencave Civile, Haki Çako bëri një bilanc të dëmve që ishin shkaktuar nga zjarret në vendin tonë. Ai tha se në Shqipëri u aktivizuan 389 vatra zjarri, të cilat shkrumbuan  33 420 hektarë tokë.

"Zjarret përfshinë të gjitha qarqet. Zjarri më masiv ishte në gadishullin e Karaburunit, Maja e Rrunës, në Antigone ku humbën jetën edhe dy qytetarë. U konsiderua e domosdoshme kërkesa për ndihmë dhe asistencë ndërkombëtare, të cilët ndihmuan me helikopterë. 389 vatra zjarri shpërthyen në gjithë vendin. Nga vlerësimi janë djegur 33 420 ha kullota, shkurre pyje si dhe 14 rrënjë ullinj pemtari", tha Çako.

Shefi i Shtabit të Përgjithshëm të Ushtrisë, Bajram Begaj tha se tre ishin kritike, ndërsa shtoi se forcat e armatosura ia dalën që të minimizonin dëmet dhe të shpëtonin  njerëzit.

“Për 3 javë u përballëm në një luftë të ashpër me vatrat e zjarrit, që spo ndaleshin, situata është e vështirë, por u kujdesëm për të minimizuar dëmet dhe shpëtuar jetën. Ndërhyrja e FA ishte vendimtare të shpëtoheshin njerëzit, kafshët, banesat dhe pyetjet. Ndërhyrja jonë rezultoi efikase dhe të gjithë bashkë ia dolëm të kontrollonim vatrat", tha Begaj.