Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Maxhorancës

"Nisim përgatitjet për zgjedhjet lokale", Balla tregon detajet nga mbledhja e Asamblesë së PS, pak orë para nisjes

Politiko 2 Qershor 2021, 15:07

"Nisim përgatitjet për zgjedhjet lokale", Balla tregon

Sekretari i Përgjithshëm i PS-së, Taulant Balla ka dhënë detaje nga mbledhja e Asamblesë së PS-së, pak orë para nisjes së saj.

Ai tregon se do të miratohen disa vendime dhe duke filluar që nga java e ardhshme do të nisë një analizë në të gjjitha nivelet e partisë dhe pas këtij procesi do të zgjidhen drejtuesit lokal të PS, për t'u bërë gati për përballjen në zgjedhjet lokale.

Balla shprehet se Asambleja Kombëtare është fillimi i një procesi të domosdoshëm përgatitor, për PS dhe sfidat e reja elektorale.

"Mbledhja e Asamblesë Kombëtare është një moment i parë i takimit të forumit më të lartë drejtues përpara takimit të Kongresit, ku natyrshëm do të miratohen një sërë vendimesh që lidhen me një proces të gjerë analize që PS do të ndërmarrë duke filluar që nga java e ardhshme dhe do të propozohen vendimet që do të ratifikohen nga ana e Kongresit për të filluar një analizë në të gjitha nivelet, nga niveli i qendrës së votimit që mbulohet nga organizata socialiste në këshillat socialist të njësive administrative në nivel bashkie dhe ne nivel qarku. Ky proces ne e kemi planifikuar që të marrë të paktën 6 muaj kohë , me qëllim që të bëjmë një analizë shumë cilësore sa i përket performancës së strukturave të PS në marrëdhënie me rezultatin historik në marrëdhënie me targetin që kemi pas apo objektivin qe kemi pas për çdo qendër votimi , çdo njësi administrative, çdo qark, dhe natyrshëm ta bashkë shoqërojmë këtë me një proces hapje dhe pranime te reja në PS , se PS jo vetëm që është forca me e madhe në vend por duhet që në mënyrë të vazhdueshme të ripërtërijë burimet e saj njerëzore dhe ne fund të këtij procesi do kemi dhe zgjedhje të bashkë drejtuesve të rinj të organizatave të PS, do të kemi zgjedhje të drejtuesve të PS në nivel të këshillit, apo në nivel bashkie sepse duhet të bëhemi gati për përballjen tonë të radhës që janë zgjedhjet vendore 2023, por natyrshëm puna për zgjedhjet e 2025 fillon sot. Asambleja kombëtare është fillimi i një procesi sa normal aq edhe i domosdoshëm përgatitor, për forcën më të madhe politike në vend për sfidat e reja elektorale që na presin." - shprehet Balla për Top Channel

Numri 2 i PS-së tregon se do të diskutohet dhe për mandatin e tretë qeverisës ku do të bëhet një prezantim i objektivave.

"Kongresi është në një moment historik për PS, është 30 vjetori i kësaj partie dhe kongresi do të çelet me një përmbledhje të rrugëtimit tonë. Pjesa tjetër lidhet me prezantimin e vizionit tonë për Shqipërinë 2030 dhe sigurisht dhe pjesa që lidhet me mandatin e ri qeverisës. Ne kemi një program ambicioz në këtë mandat të ri dhe gjatë kongresit Kryeministri Rama dhe përfaqësues të tjerë do të bëjnë një prezantim të objektivave tonë kryesorë.

Pjesa e tretë lidhet me punën voluminoze që do të bëjë vetë partia në kuadër të hapjes , të kësaj analize. Do ngremë një komision të posaçëm të analizës së strukturave të PS , të sistemit të patronazhimit përgjatë zgjedhjeve dhe fushatës së 25 prillit për të parë ku gabuam dhe ku i përdorëm mirë burimet tona njerëzore në kuptimin e anëtarësisë së PS. Sukseset elektorale të PS lidhen me një punë kolosale të çdo anëtari të saj." tha Balla.