Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Maxhorancës

Nisma "Gati për Shqipërinë"/ Zv.ministrja e Ramës ironizon Rovena Vodën: S'hyn në lojë partia, larg qoftë as arkat e peshkut

Politiko 22 Korrik 2021, 12:42

Nisma "Gati për Shqipërinë"/ Zv.ministrja e Ramës

Zëvendësministrja e Arsimit, Bora Muzhaqi, në një deklaratë për mediat ka treguar ecurinë e deritanishme të nismës qeveritare “Gati për Shqipërinë”.

Muzhaqi tha se deri më tani, kësaj nisme i janë përgjigjur mijëra të rinj të shkolluar si brenda dhe jashtë vendit. Qëllimi sipas saj është një transformim i administratës shtetërore dhe rritja e nivelit të saj, si në aspektin e vlerave njerëzore, por edhe arsimore.

“Jemi këtu Gati për Shqipërinë, janë ftuar të rinjtë për të ngjitur në majën Shqipërinë që i takon. Të gjithë ekspertët e fushave të ndryshme me dëshirën dhe mundësinë për të dhënë kontributin e tyre për punët e mëdha të mandatit të tretë janë ftuar dhe janë shumë të mirëpritur që të na bashkohen për të ngjitur Shqipërinë në majën ku kjo e fundit e meriton, kemi gjithmonë nevojë për bashkim të njerëzve të saj më të zotë të edukuar dhe patriotë, e mbi të gjitha që duan të japin kontributin e tyre edhe në distancë për këtë sfidë që Edi Rama dhe PS kanë marrë përsipër. Reagimi që ne patëm nga shqiptarë të zotë anembanë botës na imponoi ta kthejmë këtë nismë në program zyrtar, një program të mirëfilltë të mandatit të tretë. Unë kam përgjegjësinë dhe nderin e madh që të drejtoj këtë program strategjik për burimet njerëzore të qeverisjes, të administrimit të pushtetit ekzekutiv në të gjitha nivelet.

Unë jam kthyer nga jashtë për të kontribuar në vendin tim. Jam e lumtur që po i hapim dyert të rinjve që duan të kthehen. Ka pasur shumë interes nga të rinjtë e të rejat. Ky program do të jetë i hapur pa afat. Çdo aplikim do të konsiderohet maksimalisht. Kolegët e AKSHI-t ka bërë një punë të paparë për ndërtimin e një aplikacion. Gati për Shqipërinë.al është platforma e re. Dua të theksoj se kemi pasur mijëra aplikime, në shkenca politike, mjekësi, shkenca sociale, bujqësi, turizëm etj. 51% e aplikuesve jetojnë jashtë Shqipërisë, ndërsa 49% janë brenda Shqipërisë. Kemi zhvilluar 18 sesione online për këtë platformë. Mandati i tretë do të jetë momenti i një hopi të madh në këtë drejtim. Ky program është një nga mjetet në shërbim të kësaj iniciative”, tha Muzhaqi.

Muzhaqi tregoi raste konkrete të “Nismës”. Sipas saj, një mjeke shqiptare në Norvegji, do të rikthehet në vend për të kontribuar në QSUT. Ndërsa shtoi, se në të njëjtën linjë kanë zgjedhur dhe dy pilotë shqiptarë në Gjermani që së shpejti do të jenë pjesë e linjës ajrore “Air Albania”.

Muzhaqi nuk la pa ironizuar as ish-zv.ministren e Brendshme Rovena Vodën, e cila dyshohet se ka marrë ryshfet 1 mijë euro, një celular dhe një arkë me peshk për t'i gjetur një vajze punë në administratën publike.

“Këtu nuk hynë në lojë as partia, as miku, larg qoftë edhe arkat e peshkut. Mbaj mend një rast, një e re në Norvegji, ajo shprehu dëshirën për t’u rikthyer në Shqipëri. Ajo është kthyer nga atje dhe po bën letrat gati për në QSUT. Kemi dhe rastin e dy pilotëve shqiptarë në Gjermani që do të jenë së shpejti pjesë në Air Albania. Unë thashë që 51% e aplikimeve janë nga të shkolluar jashtë. Platforma jonë ka qenë e hapur për të gjithë, edhe të rinjtë që kanë pasur eksperienca të reja në Shqipëri. Ndërkohë për pjesën e përfshirjes së tyre, administrata jonë nuk është në pritshmëritë që ne kemi për të. Ne kemi bërë disa përmirësime, ndryshime, por s’jemi të kënaqur. Duhet të përfshijmë këto të rinj për të rritur nivelin e administratës tonë”, përfundoi zv.ministrja.