Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Peleshi: Forcat e Armatosura do të angazhohen në vaksinimin masiv të popullsisë

Politiko 27 Shkurt 2021, 16:31

Peleshi: Forcat e Armatosura do të angazhohen në vaksinimin masiv

Forcat e Armatosura do të angazhohen në vaksinimin masiv të popullsisë kundër virusit COVID-19. Këtë gjë e ka bërë me dije ministri i Mbrojtjes, Niko Peleshi, teksa ndoqi nga afër nisjen e procesit të vaksinimit të personelit shëndetësor në qarkun e Korçës.

Peleshi tha FA do të angazhojë të gjitha burimet e saj si mjekët dhe infermierët në uniformë, përfshirë dhe logjistikën, qendrat që do të hapen në çdo qytezë dhe fshat, mjetet e transportit etj.

Plani dhe synimi i qeverisë për të vaksinuar të gjithë popullsinë brenda 14 muajve, sipas ministrit Peleshi, ngarkon me përgjegjësi çdo institucion që ka mundësi të kontribuojë për arritjen e këtij objektivi.

“Kemi sinjale shumë të forta siç e ka përcjellë edhe Kryeministri që Shqipëria do të jetë një nga vendet e para në rajon shpresoj, që do ta sigurojë vaksinimin masiv, që do të sigurojë vaksina për të gjithë popullsinë. Kjo na vë ne në pozitën, kur them ne, të gjitha institucionet që kanë mundësi të japin një dorë në procesin e vaksinimit dhe këtu po flas tani për Forcat e Armatosura, për Ministrinë e Mbrojtjes, na vendos në përgjegjësinë dhe nevojën për të angazhuar të gjitha burimet tona. Forcat e Armatosura do të jenë në funksion të vaksinimit intensiv, masiv. Ne kemi brenda strukturës sonë rreth 100 infermierë, por kemi shumë logjistikë, kemi shumë qendra që mund t’i hapim në çdo bashki, në çdo qytezë, apo fshatra të mëdha në rast se do të gjykohet të ngrihet një sistem i tillë, kemi personel mjekësor, jo vetëm infermierë, edhe mjekë, kemi mjete transporti, kemi shumë logjistikë që do të jetë e gjitha në funksion të vaksinimit intensiv.”– deklaroi ministri i Brendshëm, Niko Peleshi.

Të fundit