Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Peleshi: Synojmë 7 mandate në Korçë, do ketë përmbysje rezultati në Devoll

Politiko 24 Mars 2021, 16:24

Peleshi: Synojmë 7 mandate në Korçë, do ketë

Drejtuesi politik i PS-së në Korçë, Niko Peleshi është shprehur i kënaqur me listën e forcës politike ku ai bën pjesë në qarkun që ai drejton.

Peleshi ka thënë se strategjia e fushatës së PS-së së Korçës është për t’u mos u marrë me kundërshtarët, ndryshe nga kundërshtarët politik, që sipas tij, po bëjnë fushatë me stil të vjetër. Ministri i Mbrojtjes shton më tej se nuk i ka ardhur mirë që Partia Demokratike iu lejua për të garuar me 18 kandidatë në Qarkun e Korçës.

“Jemi këtu pak ditë pasi të gjitha forcat politike kanë bërë publike listat për deputetë. Jam i kënaqur me kandidatët e listës. Nga pikëpamja gjinore është barazi gjinore, 6 burra dhe 6 gra. Po ashtu edhe 6 vendet e para që ne synojmë, janë ndarë 3 burra dhe 3 gra. Edhe minoritetet janë përfaqësuar. Ne nuk merremi me kundërshtarët politikë, por fushata e Korçës ka qenë korçare me të vërtetë. PD ka një tjetër stil fushate, pak më të vjetruar. Unë jam drejtuesi politik i qarkut të Korçës prej 8 vitesh. Lista është hartuar nga strukturat e partisë, ju e dini që kemi pasur një mbledhje të gjatë në kryesi dhe të gjithë drejtuesit kanë paraqitur të gjitha emrat dhe ka shpjeguar se cilët janë kandidatët.

Nuk ka pasur debate, unë, kryetari i partisë, kemi insistuar që të kemi një përfaqësim të komunitetit maqedonas në listën tonë dhe kjo është mirëkuptuar. Ne kemi 12 kandidatë dhe nuk më erdhi mirë që iu pranua lista e PD me 18 emra. Nuk na sjell probleme me zgjedhjet, por ne jemi shumë korrekt ligjeve dhe udhëzimeve. Kemi 12 kandidatë në listën tonë që kandidojnë për 11 mandate.” tha Peleshi për News24.

I renditur i 6-ti në listë, Peleshi tha se synimi i Partisë Socialiste në Qarkun e Korçës është 7 mandate dhe sipas tij do të ketë një përmbysje të rezultatit në zonën e Devollit, e cila konsiderohet si një bastion i të djathtës.

“6 mandate është bazike. Kemi vendosur në krye emra të rinj. Është simbolikë që ka mesazhe me vete, lidhet me hapjen e partisë. PS e ka në filozofinë e vet hapjen. Unë vetë dhe një deputet që ka shumë mandate ne jemi prurje të vitit 2004. Në PS kanë ardhur gjithmonë të rinj. Duke u vendosur ë linjën finale të mandateve dhe në krye janë vendosur të rinjtë, ne tregojmë që i besojmë të rinjve dhe ata e kanë rrugën e hapur. Ne jemi në fushatë dhe nuk na lejohet të bëjmë deklarata pesimiste. Nëse ndodh, për çfarë do të duhet që një drejtues politik do të vijojë të qëndrojë në parlament. Ne kemi disa të drejta, në kompozimin e listës duhet të kesh dhe përgjegjësi. Nëse si drejtues politik nuk ke sukses, nuk ke pse t’i zësh vendin një tjetri. Por të jeni të bindur që kjo nuk do të ndodhë, ne synojmë 7 mandate. Janë bërë transformime të jashtëzakonshme. Korça është një qytet që ka një zhvillim si nata me ditën. Slogani im i parë ka qenë Korça që unë dua të jetoj, kjo lidhej dhe me një thirrje për të mos u larguar të rinjtë nga vendi. E them me mburrje korçare, nëse këtë standard do e shtrijmë në të gjithë Shqipërinë, atëherë Shqipëria nuk do të ketë asnjë dallim nga vendet me standard. Unë jam me adrenalinën e një mandati të ri ku dua të shoh një vizion që e presim për ditësh.

Ne duke qenë se kemi shumë deputetë, mund të vendosim në çdo qark nga një deputetë. Në Kolonjë do të punojë Olta Xhaçka, në Pogradec Blerina Gjylameti. Kështu që ne gjithmonë Kolonjën se kemi vlerësuar nga pikëpamja sasiore, por si një trevë që duhet të përfaqësohet në mënyrë më dinjitoze. Kemi gjetur një kombinim të mirë, që shton votat. Në Devoll ku s’kemi pasur një rezultat të mirë, do të ketë përmbysje.” tha Peleshi