Përgjimet e Ndranghetas, Braçe: Në dosje s'ka bisedë me asnjë nga PS, opozita do të njollosë vendin me analistë e ministra të korruptuar

Zv.kryeministri Erion Braçe

Zv.kryeministri Erion Braçe ka komentuar përgjimet e publikuara nga antimafia italiane mbi bisedat e disa mafiozëve të Ndrangheta-s që flisnin për investime në Shqipëri.

Sipas Braçes në një intervistë për Report tv, nuk ka asnjë provë në dosje, që persona në përgjime dhe të vënë nën akuzë nga antimafia, të kenë kryer ndonjë aktivitet në territorin e Shqipërisë. Këtu thekson se në përgjime nuk flitet për kryeministrin, dhe as për ndonjë ministër apo anëtar të PS.

“Nga dosja s’del asnjë bisedë e përgjuar mes këtyre banditëve apo kryeministrit të Shqipërisë apo ndonjë këshilltari të kryeministrit ndonjë ministri këshilltari ndonjë drejtori, s’ka asnjë, ta nxjerrin bisedën e atij gjelit italian me filan ministër kryeministër deputet. Ku e kanë, nuk ka”, thotë Braçe.

Sipas tij opozita dhe ata që hedhin akuza ndaj qeverisë e bëjnë për të njollosur Shqipërinë.  

“Qellimi është politik të goditet qeveria kjo mazhorancë sa më afër zgjedhjeve nuk interesohet kush për ta në të vërtetë, nuk kanë asnjë lloj sensi kundër mafies dhe aktivitetit të saj. Disa prej këtyre i kam parë në situata ordinere me këta mafiozë.

Janë 5 njerëz atje matanë Shqipërisë që merren me aktivitet kriminal por s’ka asnjë të vërtetë . Duan të merren me thashetheme dhe të nxijnë imazhin e vendit tonë”, tha zv.kryeministri.  

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm