Flash News

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Dyshohet se abuzoi se*sualisht me vajzën e tij, mbërrin në gjykatë Zamir Meta

Durrës/ Morën me forcë në automjet një 48-vjeçar dhe e dhunuan, identifikohen 4 autorët

Vazhdon zjarri në landfillin e Elbasanit

Ditari i Maxhorancës

Përmbytjet/ Rama: Sfidën e menaxhimit e kemi fituar, në të shkuarën situata ishte kaotike

Politiko 15 Janar 2021, 12:16
Përmbytjet/ Rama: Sfidën e menaxhimit e kemi fituar, në të
Kryeministri Edi Rama

Kryeministri Edi Rama foli për situatën e përmbytjeve në vend. Ai tha se në të shkuarën më pak reshje kanë shkaktuar situata më kaotike se kjo që ndodhi këtë herë në Shqipëri.

Kryeministri tha se situata e shkaktuar nga reshjet e dendura është menaxhuar ashtu siç duhej, ndërsa shtoi se ndërtimi kaskada e Drinit nuk do të sjellë më probleme pas ndërtimit të hidrocentralit të Skavicës.

Në konferencën e përbashkët me ministrin e Mbrojtjes Niko Peleshi me ministren e Bujqësisë Mila Ekonomi, Rama pretendoi se situata e përmbytjeve ishte mirëmenaxhuar nga qeveria e tij.

“Nuk bën lajm çfarë nuk ndodh, qeveritë vlerësohen jo vetëm për aë që bëjnë, por dhe atë që nuk lejojnë të ndodhë. Bazuar në sasinë e reshjeve me të cilat në jemi përballur këtë herë dhe në shifra krahësimore të sasive të reshjeve në momentet shumë kritike të së shkuarës, ku reshje më të paktë kanë sjellë situatë katastrofike.

Situata ka qenë kritike nga liqeni i Shkodrës deri në Vjosë. Përballimi ka qenë për tu qetësuar. Është e pakrahasueshme situata e përmbytjeve e atyre momenteve ku pa patur reshje në të shkruarën me sot. Shifrat dhe faktet janë të pakrahasueshme. Kjo lidhet me punën e bërë.

Çështja e Kaskadës së Drinit lidhet me mungesën e Skavicës. Deri sa të jetë balancuesi i kaskadës, sfida kryesore është ajo e menaxhimit dhe ne e kemi fituar. Ne e kemi fituar këtë herë këtë sfidë fal ëvëmëndjes së kushtuar dhe aftësisë profesionale”, deklaroi Rama.

Të fundit