Petro Koçi flet pas dëshmisë në SPAK: Bota e krimit në Fier ka lidhje të konsoliduar me politikën, ndikoi në zgjedhjet e 25 prillit

Petro Koçi ka folur për mediat pas dëshmisë së dhënë para prokurorëve të SPAK, në lidhje me denoncimin e tij për tenderat në Fier se bota e krimit është e lidhur me institucionet publike.

Ai nuk ka treguar emra konkret, edhe pse theksoi se se bota e krimit në Fier ka lidhje të konsoliduara me politikën dhe se lidhjet e krimit me LSI-së ndikuan në zgjedhjet e 25 prillit sipas tij.

Ai shtoi më tej se denoncimi i tij nuk është pritur mirë nga zyrtarë në Fier dhe sipas tij, kjo tregon se është e vërtetë. Deputeti socialist tha se PS distancohet nga krimi dhe se ky i fundit është vullnet i PD-së.

"Unë jam një nga politikanët që kam bërë kallëzime penale disa herë. Gjatë fushatës denoncova një gjyqtar. Unë jam politikan edhe e ndjej që bota e krimit në Fier është goxha influente. Ky sensibilizim edhe për SPAK është shumë i nevojshme.  Ka pasur lidhje të konsoliduara me politikën. Lidhje me LSI-në ndikuan edhe në rezultatin e zgjedhjeve.

Unë jam politikan, qëndrimet e mia nuk janë për të lartë hesapet me asnjë politikan, por me botën e krimit, nuk duhet të lejojmë që të kenë mundësi vendimmarrje në jetën publike, ato dikojnë, ose duke kërcënuar zyrtarë të niveleve të ndryshme.  Shumica zyrtare në Fier nuk e kanë mirëpritur deklaratën time që do të thotë se u dhëmb, PS distancohet nga çdo individ që preket nga krimi, ky është një vullnet i palëvizshëm i PD.

Media pas deklarimeve të mia ka bërë akuza dhe referime konkrete dhe ju them që çdo gjë konkrete e denoncoj, do jem politikan që jeta publike të jetë më e pastër. Nëse i referoheni historisë sime personale kam bërë kallëzime dhe pjesë e administratës së PS.

Unë e kam sqaruar që në radhë të parë deklarata ime me këtë ka lidhje me punën pozitive që po bën SPAK. SPAK nuk ka asnjë kufizim, edhe në Fier është i lirë dhe i detyruar me ligj që veprojë në SPAK. Jam politikan që kam kallëzuar subjekte të ndryshme, nuk jam as prokuror e as gjyqtar, sepse emrat duhet që të disponosh dokumente konkrete, unë nuk jam hetues. Njerëzit e kësaj bote hynë më thjesht në punë se njerëzit e thjesht", tha ai.

Më 16 Korrik, Petro Koçi i bëri thirrje SPAK-ut që të hetojë në qytetin e Fierit lidhjet e botës së krimit të organizuar me institucionet publike.

Petro Koçi deklaroi se në Fier duart e krimit janë shtrirë mbi financat publike, duke theksuar se protagonistë të trafikut të drogës dhe të dhunës kanë legalizuar subjekete biznesi që fitojnë tendera publikë. Sipas deputetit socialist, këtë ata e realizojnë nëpërmjet lidhjeve të drejtpërdrejta me ndonjë titullar institucionesh ose nëpërmjet kërcënimit të zyrtarëve të caktuar ose pronarët e subjekeve të biznesit. Pas këtij denoncimi, SPAK hapi çështjen dhe sot ka thirrur për të dëshmuar vetë autorin e asaj deklarate. 

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm