Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

"Po të kishte Cheampions League për gjumin, e fiton ai!", Veliaj apel për pozitivizëm, por 'thumbon' Bashën: I morëm Papulit 2 shtëpi, por jo si Luli

Politiko 18 Tetor 2020, 14:51

"Po të kishte Cheampions League për gjumin, e fiton ai!",

Kryetari i Bashkisë së Tiranës, Erion Veliaj, ka zhvilluar mesditën e sotme një vizitë në Petrelë, ku ka ku ka inaguruar shtëpitë e rindërtuara pas shkatërrimit nga tërmeti i 26 nëntorit.

Ndërsa ndodhemi prej kohësh në një klimë të ashpër politike, me përplasje të herë pas hershme mes palëve, Veliaj ka bërë apel për më tepër pozitivitet, larg gjuhës së urrejtes dhe përçarjes.

Megjithatë, pavarësisht kësaj, kryebashkiaku nuk ka kursyer ironitë ndaj kryedemokratit Basha, për të cilin tha se nëse do të kishte Cheampions League te gjumi, ai do ta fitonte.

"Njerëzit janë lodhur nga kjo gjuha e urrejtes dhe përçarjes, jo jug, jo veri. Të jemi sa më pozitiv. Ne nuk i shohim njerëzit si armiq por si një mundësi. Kur bie tërmeti kush duhet të jetë në krye të shtetit ai që rri në gjumë deri në 11 apo një që ngrihet në 4. Ata shokët përballë e kanë cik problem gjumin, sikur ne punën. Po të kishte Cheampions League te gjumi nuk të falin ata. Viti i ri të fusim sa më shumë njerëz nëpër shtëpi. Gonit ia kemi marrë nja dy shtëpi, më mirë ia merr për punë. Sot ditë e dielë se kemi për detyrim për punë, se robit që i hanë duart rri. Po e kemi nda mendjen me e bë këtë punë", tha Veliaj.

Gjatë inaugurimit të dy shtëpive, ndërtimi i të cilave u bë me investimin e biznesmenit Agron Papuli, Veliaj e ka përdorur këtë moment për të ‘thumbuar’ sërish kryedemokratin duke i përmendur sërish kunatin.

“Dua shumë ta falenderoj Gon Papulin, sipërmarrësin dhe donatorin e dy shtëpive. Është e vërtetë, edhe ne i kemi marrë dy shtëpi Gon Papulit, jo vetëm Lul Basha. Ka vetëm një diferencë. Ne ia morëm dy shtëpitë për Afërditën dhe Mirelën që ngelën pa shtëpi. Tjetër gjë t’i marrësh për kunatin dhe tjetër gjë t’i marrësh për popullin, kur një investitor do që të kontribuojë. Kur i jep për popullin quhet sevap, ose filantropi, kur i jep për një parti politike dhe për kunatin, ajo quhet gjobë ose shantazh. Kjo është diferenca mes botëkuptimeve tona. Ne sipërmarrjen e vlerësojmë, jemi shumë të nderuar që ata punojnë dhe ndërtojnë, qofshin kur bëjnë shkolla, rrugë, apo kur bëjnë vila, por ama këta paguajnë taksat. Me ato taksa ne bëjmë akoma më shumë punë, nuk paguajnë gjoba dhe nuk i përgjigjen shantazhit,” deklaroi Veliaj.

Deklaratat e Veliajt, vijnë pasi edhe kreu i Partisë Demokratike, Lulzim Basha, banon në një nga komplekset luksoze të biznesmenit Agron Papuli. Kjo sepse, së fundi Basha ka ndërruar shtëpi. Ai nuk jeton më në apartamentin e tij në katin e 12-të, pranë kullave afër stadiumit "Arena Kombëtare", por është zhvendosur në kompleksin e vilave “Long Hill”, në periferi të Tiranës, të ndërtuara pikërisht nga biznesmeni Papuli.