Flash News

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Ditari i Maxhorancës

Presidentja Osmani takohet me Vuçiçin pas tensioneve në Kosovë, reagon Rama

Politiko 2 Qershor 2023, 08:43

Presidentja Osmani takohet me Vuçiçin pas tensioneve në

Kryeministri Edi Rama ka reaguar në lidhje me takimin që Presidentja e Kosovës, Vjosa Osmani pati me homologun e saj serb, Aleksandër Vuçiç.

Ai ka falënderuar presidentin francez, Emanuel Macron, kancelarin gjerman Olaf Scholz dhe shefin për Politikën e Jashtme të BE-së, Josep Borrell, për insistim dhe përkushtimin e treguar për të ulur në tavolinën e bisedimeve liderët e dy shteteve.

Nëpërmjet një postimi në “Twitter”, Rama thekson se shpreson që kërkesat e vendosura nga Bashkimi Evropian të plotësohen nga të dyja palët në mënyrë që situata në veriun e Kosovës të ç’tensionohet dhe Prishtina e Beogradi të ecin drejt marrëveshjes finale për njohjen reciproke.

“Unë nuk mund të falënderoj mjaftueshëm Presidentin Emanuel Macron dhe Kancelarin Olaf Scholz për atë që po bëjnë për të finalizuar procesin e normalizimit Kosovë-Serbi! Duke i parë ata të ulur me aq respekt me të dyja palët në përpjekje për të zgjidhur një konflikt absurd tregon gjithçka për shpirtin e tyre të madh evropian. Faleminderit!"

"Edhe unë lavdëroj presidenten Vjosa Osmani për të folur drejtpërdrejt me Presidentin Aleksandër Vuçiç, dhe me të vërtetë shpresoj që këto tri kërkesa të plotësohen menjëherë në mënyrë që ky konflikt absurd të përfundojë para se të dëmtojë reputacionin e Kosovës përtej riparimit të shpejtë dhe integrimin e saj të mëtejshëm në komunitetin demokratik."

"Një falenderim i madh edhe për Josep Borrel për pasionin dhe durimin e tij për të ndihmuar që të realizohet përfundimisht ky zhvillim historik”, shkruan Rama.

 

 

Të fundit