PS propozon ndryshime në Kodin Rrugor, çfarë parashikon drafti i depozituar në Kuvend

Partia Socialiste ka propozuar ndryshimin e Kodit Rrugor. Në shkresën e depozituar në Kuvend, që mban firmën e kreut të grupit, Taulant Balla, kërkohet që patentat për drejtuesit e mjeteve të jenë 15-vjeçare.

Ky i fundit do të shqyrtohet në komisionet parlamentare përkatëse. Kodi Rrugor kërkon 84 vota për tu miratuar,  çka do të thotë se do të duhen edhe vota nga radhët e opozitës, që ndryshimet ligjore të hyjnë në fuqi.

Si është aktualisht

Lejedrejtimet e mjeteve të kategorive AM, A1, A2, A, B1, B dhe BE, sipas grup moshave, janë të vlefshme për:

– 10 vjet, nëse janë lëshuar apo konfirmuar për personat deri në moshën 50 vjeç;

– 5 vjet, për ata që kanë kaluar moshën 50 vjeç

– 3 vjet, për ata që kanë kaluar të 70-tat.

Çfarë propozohet

Lejedrejtimet e mjeteve të kategorive AM, A1, A2, A, B1, B dhe BE, sipas grup moshave, janë të vlefshme për:

– 15 vjet, nëse janë lëshuar apo konfirmuar për persona deri në moshën 70 vjeç;

– Për personat mbi 70 vjeç konfirmimi I vlefshmërisë së lejes së drejtimit bëhet duke dorëzuar certifikatë mjekësore të lëshuar nga një prej organeve mjekësore të përmendura në pikën 2 të nenit 117, jo më shumë se gjashtë muaj përpara, nga e cila të rezultojë që zotëruesi I kësaj certifikate plotëson të gjitha kërkesat fizike e psikike të kërkuara