Flash News

Ditari i Maxhorancës

Publikohet letra e Ramës për Kurtin: Uroj të shënoni zhvillime në përballimin e sfidave transatlantike dhe në dialogun me Serbinë

Publikohet letra e Ramës për Kurtin: Uroj të shënoni

Kryeministri Edi Rama i ka dërguar një letër urimi kreut të Lëvizjes Vetëvendosje, Albin Kurtit për fitoren në zgjedhjet e përgjithshme të 14 shkurtit në Kosovë.

Letra është dërguar një ditë pas zgjedhjeve, por është publikuar sot nga LVV-ja. Kreu i qeverisë shqiptare i uron Kurtit që lidershipi i tij të shënojë përparim në përmirësimin e jetës së qytetarëve dhe gjithashtu në në përballimin e sfidave transatlantike të Kosovës si dhe në dialogun e bashkëpunimin me fqinjët.

Kujtojmë se Rama dhe Kurti nuk kanë patur marrëdhënie të mira, kur ky i fundit ishte kryeministër i Kosovës, përplasja më e fortë mes tyre është ajo për të ashtuquajturin "Mini Shengenin Ballkanik".

Letra e plotë:

I nderuar Zoti Kurti

Dëshiroj t’ju përcjellë urimet e mia për suksesin tuaj në zgjedhjet e përgjithshme politike.

Duke ju përcjellë këtë mesazh uroj që lidershipi juaj të shënojë përparim të gjithanshëm të jetës së qytetarëve të Republikës së Kosovës.

Uroj gjithaq që të shënoni zhvillime domethënëse në përballimin e sfidave translantike të Kosovës si dhe në dialogun e bashkëpunimin me fqinjët.

Dua të besoj se bashkëpunimi ynë do të zgjerohet e thellohet në të gjitha fushat e në të gjitha nivelet dhe duke ju uruar se fundmi, por jo për nga rëndësia shëndet e frymëzim në punën tuaj. Ju lutem ta pranonin shprehjen e konsideratës sime të posaçme.

Publikohet letra e Ramës për Kurtin: Uroj të shënoni

Të fundit