Flash News

KQZ: Pjesëmarrja në votime deri në orën 12:00, më e ulët se në 2021

Nusja voton përpara se të shkojë në dasmë në Elbasan: Demokracia para ceremonisë

E paprecedentë! 101 vjeçarja në Fier nuk lejohet të votojë

Denoncon Korreshi: Njerëz të armatosur po intimidojnë qytetarët në qendrat e votimit në Lushnje

Denoncon Luan Baçi: Një kuti votimi ka ardhur me 500 fletë votimi mangët

Ditari i Maxhorancës

Qeveria nuk tërhiqet nga Bordet, Ibrahimaj: Do të krijojmë institucion për monitorimin e konkurrencës

Politiko 31 Mars 2023, 11:03

Qeveria nuk tërhiqet nga Bordet, Ibrahimaj: Do të krijojmë

Qeveria nuk heq dorë nga bordet. Në një deklaratë për mediat, e pyetur lidhur me rritjen e çmimeve kryesisht në disa furre buke, ministrja e Financave dhe Ekonomisë, Delina Ibrahimaj tha se për vitin 2023 do të ngrihet një institucion që monitoron çmimet në disa sektorë, pra një tjetër Bord Transparence.

“S’ka institucion që të ketë përgjegjësi për monitorimin e cmimeve të tregut, kemi krijuar task forca. Gjatë 2022 kemi menduar të krijojmë institucion përgejgjës për monitorimin e konkurencës që lidhet me cmimet në sektor të ndryshë. Në 2023 do punojmë për të krijuar këtë instituicion”, u shpreh Ibrahimaj.

Përpos qëndresës për Bordet, pavarësisht se inceneratorët nuk janë në punë, qeveria është e vendosur të vijojë të kryejë pagesat. Këtë e konfirmoi Ibrahimaj. Ministrja u shpreh se pagesat për inceneratorët do të vijojnë për sa kohë që është një shërbim publik dhe organet ligjzbatuese nuk kanë një vendim për të ndaluar pagesat.

“Jam përgjigjur disa herë dhe do të jetë e njëjta përgjigje. Për sa kohë kemi një shërbim publik që kryhet dhe përsa kohë nuk ka një vendim të organeve ligjzbatuese që të ndalojë këto pagesa, gjithçka do të vijojë”, tha Ibrahimaj.

Sa i takon vendimit për rritjen e pagave, Ibrahimaj tha se do të shtrihet në harkun kohor të dy viteve.

“Ne kemi bërë të ditur që po ndërmarrim një reformë madhore për rritje pagash në sektor pubilik. Do jetë një reformë e shpërndarë në dy vite, jo rritje në një vit. Sa i takon qendrueshmërisë së financave publike e përballueshmërisë, ministria e Financave ka marrë angazhim që në këtë fazë të zhvillimit të aktivitetit ekonomik në vend do vijojë me konsolidimin fiskal.

Hapësirat për të përballuar reformën e pagave që është mëse e nevojshme nuk do ndikojnë, rregullat kryesore të qendrueshmërisë fiskale që lidhen me borxhin, ku niveli i borxhit publik duhet të jetë më i ulët se një vit më parë apo me ngadalësimin e nivelit të deficitit. Pra e gjithë reforma do përballohet brenda të gjithë parametrave të qendrueshmërisë fiskale”, shtoi ministrja.

Të fundit