Rama akuza Metës: Person që ka humbur marrëdhënien me trutë e kokës, lëviz ditën e natën për qëllime elektorale

Kryeministri Edi Rama, Presidenti Ilir Meta

Kanë vijuar replikat mes kryeministrit Edi Rama dhe presidentit Ilir Meta, i cili mëngjesin e sotëm tha se qeveria është e tmerruar nga angazhimi politik i Presidentit.

Në prononcimin për gazetarët pas mbledhjes me drejtuesit politik të qarqeve, Rama tha se Meta nuk është në lartësinë e detyrës që i ngarkon Kushtetuta.

Ai shtoi se Kreu i Shtetit po bën propagandë kundër qeverisë dhe se flet me një gjuhë rrugë. Rama e akuzoi sërish Metën se po bën fushatë elektorale.

“Unë nuk mendoj se ka nevojë për komente, veprimtaria ilegale e Ilir Metës është në sytë e të gjithëve. Ilir Meta nuk është në lartësinë e detyrës që i ngarkon  kushtetuta, por është praktikisht nën cdo nivel të justifikueshëm edhe për një person që ka humbur marrëdhënien me trutë e kokës.

Një President që bën propagandë kundër qeverisë që flet me një gjuhë rrugë, që lëviz ditën dhe natën për qëllime elektorale që e ka vënë zyrën e rojtarit të kushtetutës në dispozicion të ndërmarrjes që e menaxhon e shoqja dhe që çdo ditë humbet nivel në raport me detyrën nuk ka nevojë që ta komentoj unë sepse të gjithë e shohin, e kuptojnë, e ndjejnë dhe të gjithë do ta dënojnë në 25 prill sepse është përtej cdo mundësie për ta justifikuar”, tha Rama.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm