Flash News

Ditari i Maxhorancës

Rama flet për koalicionet parazgjedhore, mirëpret propozimin e opozitës për shtyrjen e afatit të kartave të ID

Rama flet për koalicionet parazgjedhore, mirëpret propozimin e
Kryeministri Edi Rama

Kryeministri Edi Rama ka dhënë një prononcim për mediat pas takimit me shtabin elektoral të PS-së në selinë rozë. I pyetur për koalicionet parazgjedhore, Rama tha se PS e ka bërë të qartë që e ka koalicionin me njerëzit.

Gjithashtu komentoi edhe koalicionin opozitar, duke e cilësuar hibrid të pangrënshëm dhe të patretshëm.

“Sistemi që kemi zgjedhur është një sistem ku cdo parti garon me simbolin e saj dhe me skuadrën e saj, ose bën një koalicion me një simbol dhe në një skuadër të përbashkët. Ne e kemi pasur të qartë, që ne koalicionin e kemi me njerëzit dhe shumicën e kemi me njerëzit. Kështu që nuk kemi asnjë diskutim në këtë pikë. Sigurisht e mirëkuptoj pyetjen, duke parë se cfarë ndodh në kampin tjetër, ku po punohet për një hibrid të pangrënshëm, të pagëlltitshëm dhe të patretshëm”, tha Rama.

Rama foli edhe për propozimin e opozitës për shtyrjen e afatit të skadimit të kartave të ID. Ai e mirëpriti si propozim, ndërsa tha se kjo çështje do të trajtohet në mënyrën e duhur, duke shtuar se zgjedhjet janë një interes i përbashkët.

"Nuk e kam dëgjuar si propozim, po sigurisht q ëkur bëhet fjala për zgjedhjet, janë të përbashkëta sikurse rregullat e lojës. Cdo propozim që ka lidhje me këtë është i mirëseardhur dhe do të trajtohet me seriozitetin e duhur", tha Rama.

Ditari politik

Të fundit