Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama 'e mbron': Soros nuk ka lidhje me shkëmbimin e territoreve, s'kishte dakordësi

Politiko 26 Nëntor 2021, 09:33

Rama 'e mbron': Soros nuk ka lidhje me shkëmbimin e territoreve,

Ish-kryeministri Sali Berisha dhe presidenti Ilir Meta, e akuzojnë shpesh idenë e shkëmbimit të territoreve mes Kosovës dhe Serbisë, si një projekt i financuar nga multimiliarderi Geroge Soros dhe e mbështetur nga kryeministri Edi Rama.

I ftuar në ‘Të Paekspozuarit’ në MCN Tv, kryeministrit Rama iu përgjigj akuzave të Metës dhe Berishës. Kryeministri deklaroi se as Soros dhe as fondacioni i tij, nuk ka gisht në çështjen e shkëmbit të territoreve. Rama u shpreh se thjesht nuk ka pasur një dakordësi mes palëve.

Pjesë nga biseda:

Edi Rama: Kjo histori është histori më vete, se i shoh që janë të lidhura, domethënë Sorosi ndërhyri se i'u prish plani i ndryshimit të kufijve. Duhet të dalim nga kjo histori. Sorosi as ka qenë përzierë në histori kufijsh, as ai dhe as Fondacioni, fare, fare! Gjithë kjo historia e ndryshimit të kufijve, është qesharake që të thuhet se këta e ndaluan. Ky dhe ai tjetri në Presidencë. Se si e ndaluan këta dhe kur u shfaq kjo që duhej ndaluar nuk e kuptoj. Kufijtë nuk ndryshojnë dot fshehurazi dhe nuk mbaron aty ku e bisedojnë njerëzit. Nëse bien dakord dy veta që akuzohet komplet pa lidhje Hashim Thaçi me Presidentin e Serbisë, ku do ta çojnë këtë ndryshim kufijsh, në shtëpi?

Armand Shkullaku: Mënyra sesi u propozua kjo, pa kërkuar konsensus edhe faktorit tjetër, u propozua si projekt personal i Thaçit.

Edi Rama: Nuk është ashtu fare. Më dëgjo mua tani. Po të them se nuk ka patur asnjë dakordësi në tavolinë mes tyre. Nuk ka patur dakordësi. Në rast se do të kishte dakordësi, kjo dakordësi duhet të shkonte në një process politik, referendar. Si e ndaluan këta tani? Ajo që unë kam thënë dhe nuk ka asnjë rast që unë të kem thënë, që po unë jam për këtë. Ajo që kam thënë është se kjo është shumë serioze për të bërë muhabet, je ti apo nuk je ti. I jam referuar Rugovës dhe Rexhep Qoses, që e kanë hedhur si opsion në kohë të tjera. Kam thënë që ky debat duhet bërë si debat burrash që duhet të ulen të gjithë dhe ta diskutojnë. Pastaj gjendet, duhet apo jo dhe bëhet apo nuk bëhet.

Armand Shkullaku: Zoti Rama, Vuçiç ishte për shkëmbim territoresh. Hashim Thaci ka thënë do të ketë zgjerim, për Preshevën dhe Bujanovcin. Kur jeni pyetur ju, keni thënë që momente të tilla si ky, një kombi mund t’i vijnë një herë në 100 vjet. Pyetjes që kancelarja Merkel në Shkup, që ishte kundër, ju thatë ajo është kancelare e gjermanëve dhe unë jam kryeministër i Shqipërisë.

Edi Rama: Pak a shumë i referohesh gjërave që kujtoj, që pak a shumë i kam thënë por jo në kontekstin... Unë mendoj se kjo është një cështje, shumë komplekse, cështja e një marrëveshje me Serbinë. Ashtu siç është zhvilluar dialogu dhe siç po vazhdon ka shumë vështirësi, që do të duhet të ishin trajtuar në mënyrë më racionale. Ajo që unë kam folur edhe me kancelaren, është një gjë që nuk e di a do të vijë dita që të provohet, por do të gjendemi aty nuk e di se kur. Me Malin e Zi, ne nuk kemi patur asnjë problem, as ne dhe as Kosova. Dhe sa vjet u deshën për të bërë një dakordësi për kufirin? Imagjinoni se do të bëhet marrëveshja e Serbisë me Kosovën, parafytyroni se do të ulen tani dhe do thonë ku jemi ne?