Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama "i indinjuar" me artikullin e “Kathimerini” për Belerin, mesazh gazetarit grek; kërkon replikë

Politiko 24 Gusht 2023, 17:36

Rama "i indinjuar" me artikullin e “Kathimerini” për

Çështja e burgosjes së Fredi Belerit ka lëkundur raportet mes Greqisë dhe Shqipërisë. Athina zyrtare i ka bërë vazhdimisht thirrje autoriteteve shqiptare të lirojnë Belerin dhe ta lejojnë të kryejë betimin si kryebashkiak i Himarës. Ndërsa qeveria shqiptare, e konkretisht kryeministri ka kërkuar që Greqia të mos ndërhyjë në çështjet e brendshme të Shqipërisë.

Së fundmi, vetë Rama në pellgun e shumë kritikave që i vijnë nga Greqia për burgosjen e Belerit, duket se është indinjuar me një artikull të botuar nga gazetare greke “Kathimerini”, në një artikull me titull “Lëre të betohet”. Rama pretendon se në artikullin ku preket çështja e Belerit, nuk janë thënë shumë të vërteta dhe se është publikuar pa dëgjuar argumentet e Ramës.

Në Facebook-un e tij, Rama ka shpërndarë një video ku shfaq bisedën që ka kryer me gazedtarin grek Pavlos Papadopoulos i cili ka përgatitur artikullin në fjalë.

Ka qenë Rama i pari i cili i ka shkruar gazetarit grek duke i vënë në dukje faktin se artikulli ishte publikuar pa marrë parasysh komentet e tij.

“Mirëmëngjes zotëri! Emri im është Edi Rama dhe numrin tuaj ma dha një miku im grek pasi mësova se ju u kujdesët të shkruanit për mua tek prestigjozia Ekathemirini! Mendova se nuk është ide e keqe të kontaktoja direkt me ju dhe shpresoj mos të kem gabuar, e po ashtu shpresoj që ju të mos e keni problem krenaroheni të përballeni me “faktet” të cilët ju i ekspozuat në publik pa u interesuar të më pyesnit mua për të dhënë dhe unë versionin tim të historisë dhe vetëm pas kësaj të gjykonit faktet reale dhe ato të fabrikuara nga cilado anë.

Do të isha i lumtur të flisja me ju nëse edhe ju jeni gati që të më jepni mua të drejtën e replikës dhe të respektoni parimin e shtypit të lirë, të pavarur dhe të paanshëm. Ndihuni i lirë të më shkruani nëse ju e pranoni këtë sfidë, ndërkohë që unë ju siguroj për mirëkuptimin tim të plotë në rast se ju i shmangeni ballafaqimit me kundërargumentet e mia. Uroj më të mirën për ju dhe familjen tuaj, sinqerisht Kryeministri i Shqipërisë.”

Në përgjigjen e tij, gazetari thekson burgosjen e padrejtë të Belerit teksa i kërkon Ramës një intervistë lidhur me pikëpamjet e tij për çështjen e kryebashkiakut të Himarës.

“Mirëmëngjes zoti Kryeministër! Është një suprizë po akoma më shumë një nder të marr një mesazh prej jush dhe do ta pranoja me kënaqësi të flisja me ju, duke qenë se më jepet mundësia do të shtoja se personalisht e vlerësoj kontributin e madh për Greqinë të njerëzve nga Shqipëria në 30 vitet e fundit dhe njëkohësisht progresin që vendi juaj ka bërë. Unë mbështes miqësinë dhe bashkëpunimin, por trajtimi i Belerit është i padrejtë dhe i pandershëm. Ai në radhë të parë u fut në një kurth nga autoritetet, akuza e dhënies së parave për 14 qytetarë është e pambështetur, madje është për të qeshur! Ku janë provat? Ku janë fotografitë për këtë të ashtëquajtur korruptim e më tej?! Pasi ai u lidh pas akuzave të fabrikuara dhe u kap në kurthin e lehtë të normave, paragrafëve, teknikaliteteve dhe ngatërresave të sistemit të ri të drejtësisë në vendin tuaj.

Tani ju me të drejtë mund të më thoni që nuk mund të ndërhyni! I burgosur dhe në gjyq duke pritur në përjetësi, ai mund të humbasë lehtësisht të drejtën e të qenit kryetar bashkie. Po unë jam më shumë se sa i lumtur që të flas me ju mbi çështjen Beleri, gjithsesi është shumë më e pazakontë që një kryeministër të kontaktojë direkt nga telefoni i tij një gazetar që nuk e ka njohur më parë. Atëherë më lejoni të dyshoj nëse ju jeni vërtet Edi Rama, nëse ju jeni vërtet ai, atëherë unë e pranoj sfidën dhe jam i sigurt që Ekathemirini do të jetë e lumtur të publikojë intervistën me ju ku të gjitha argumentet e juaja do të mbulohen plotësisht dhe lirisht për publikun grek, prandaj më e mira për ta vlerësuar këtë proces do të ishte të vendosej një kontakt formal me dikë nga zyra e Kryeministrit në mënyrë që pastaj të organizojmë intervistën, apo mbase miku juaj grek që ju dha numrin siç ju e keni paraqitur mund të më telefonojë tani, në këtë moment. Kështu që unë jam i bindur që po flas me ju dhe kjo nuk është një lojë. Më vjen keq për këtë rezervë, por unë jam i bindur që ju e mirëkuptoni. Shumë faleminderit përsëri për mesazhin. Sinqerisht Pavlos Papadopoulos!”.