Flash News

“Mbrojeni shëndetin tonë!”/ Qytetarët protestojnë kundër fabrikës së mbetjeve shtazore në Lezhë

Ndahet nga jeta parakohe gazetari i njohur sportiv, Saimir Demi

Aksidentoi fëmijën 3 vjeç me makinë dhe më pas u largua, arrestohet 44 vjeçarja në Tiranë

Tritol makinës së të riut në Krujë, vetëm dëme materiale

Anulohet udhëtimi me traget në linjën Vlorë-Brindisi-Vlorë, moti i keq kufizon lundrimet

Ditari i Maxhorancës

Rama i “kënaqur”: Nga 60 ministra, vetëm 6 kanë probleme me drejtësinë

Politiko 11 Shkurt 2025, 09:55

Rama i “kënaqur”: Nga 60 ministra, vetëm 6 kanë

Kryeministri Edi Rama shfaqet entuziast teksa shprehet se nga 60 ministra në këto 12 vite qeverisje, vetëm 6 prej tyre po përballen me drejtësinë.

Këtë deklaratë e bëri pasi një komentues në rrjete sociale i kërkoi të japë dorëheqjen si burrë “pasi gjysmën e qeverisë e ke në burg”.

“Për çfarë arsye ta jap dorëheqjen? Çështjen do ta diskutojmë me shumë maturi. Kjo është e domosdoshme. Thotë që e ke gjysmën e qeverisë në burg. Gjysmën apo të gjithën është një çështje që në të gjitha rastet ka një zanafillë. Nëse i referohemi fakteve, nuk ka pasur asnjë anëtar qeverie më parë që të jetë hetuar nga një drejtësi e pavarur.

Si ndodhi kjo, ra nga qielli? Dumani e ka pasur 21 Janarin edhe më parë në tavolinë kur ka qenë në një prokurori të zakonshme. Sot drejtësinë e ka çliruar nga kontrolli i pushtetit politik, forca politike që kam privilegjin të udhëheq. Ne jemi në pushtet prej 12 vjetësh, cila gjysmë e qeverisë?

Këtu llogarisni dikë që ka qenë në qeverinë e parë? Më tregoni një anëtar të kabinetit qeveritar që nuk ka qenë i larguar dhe nuk është trajtuar më pas nga drejtësia.

Kam pasur 60 ministra, nuk bëhen as 6 që kanë probleme me drejtësinë. Do ishte më mirë të mos ishte asnjëri. Arsyeja pse nuk fitoni është se nuk dini të ndani atë që është e Çezarit me atë që është e Zotit.

Pse e kërkoni dorëheqjen time? Apo pse e kemi sjellë Shqipërinë në pozicione që s’ka qenë kurrë më parë. Kushdo të qeverisë bujrum ‘ja sheshi, ja mejdani, ja dhe Muço kapedani’. Unë llogaritë i kam me historinë, për këtë rri këtu”, tha Rama.

Të fundit