Rama ironizon aleatët e PD: Duka në pritje që Luli ta ribëj ministër; Çfarë thotë për Mediun, Shehin, Dulen dhe Ndokën

Kryeministri Edi Rama

Gjatë fjalës së tij në aktivitetin ku shpalosi programin për emigrimin, kryeministri Edi Rama ka ironizuar edhe aleatët e koalicionit të djathtë. Ai tha se kreu i PAA-së, Agron Duka pret që të bëhet ministër Bujqësie.

Ndërsa për kryetarin e PR-së, Fatmir Mediun u shpreh se të vetmen gjë që ka arritur është "hipoteka e tij si deputet i përjetshëm në pronën e SHQUP-it".

Ai vazhdon më tej duke ironizuar Nard Ndokën, Vangjel Dulen dhe Dashamir Shehin.

“Agron Duka që do mbetet në historinë e estradave shqiptare, si i vetmi kryetar partie që nuk e nxori për asnjë ditë nga garazhi partinë e tij Agrare, të cilës ia justifikon emrin vetëm me faktin që ai jeton me tagjinë e SHQUP-it, në pritje që Luli ta ribëj pakëz ministër Bujqësie, meqë Agroni si gjeli i Agrarës përfaqëson aq pula, zogj dhe vezë saqë për kotec i shkon vetëm ministria e Ushqimit. Fatmir Mediu, që vulën e PR të Sabri Godos e mban në xhep si certifikatë besnikërie ndaj pronarëve, por në fakt të vetmen ceritifkatë prone që ai ka arritur të sigurojë për ta është hipoteka e tij si deputet i përjetshëm në pronën e SHQUP-it.

Dash Shehi, që ka 100 vjet që jep djath ne frymën liberale të rakisë që flet më lirshëm se vet autori, i cili arsyen më të fortë për të vazhduar të jetë deputet ka kafenenë e Parlamentit ku ka kaluar më shumë kohë se gjitha banakieret së bashku, dhe ka zbrazur më shumë Ëiskey se e gjithë zona e Partizanit të Panjohur pas rënies së komunizmit.

Vangjel Dule, qirja e të drejtave dhe lirive të njeriut, që në TV është balli i lartë i moniroitetit grek, ndërsa në KÇK e koalicionit është fundshpina e ulët e sekserit të Çamërisë, Tym Idrizi i Doganave, që TV e ka si luftë gjakatare me grekun ndërsa deputetllëkun e ka për të shitur vende pëllumbash në zyrat e shtetit. Pa harruar Nard Ndokën, i vetmi profil filozofik që as humoristi me humorin më të zi nuk do ia servirte një populli”, u shpreh Rama.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm