Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Maxhorancës

Rama kërkon votën e shkodranëve me fushatë denigruese ndaj opozitës

Politiko 26 Mars 2025, 12:08

Rama kërkon votën e shkodranëve me fushatë denigruese ndaj

Kryeministri Edi Rama tashmë e ka bërë strategji të fushatës elektorale denigrimin e kandidatëve kundërshtarë të 11 majit dhe pazaret e hapura për votën.

E nisi me pasaportën e BE: “më jepni votën, t’iu jap pasaportën’, e ka vijuar me sulme e denigrime kundrejt kandidatë për deputet të opozitës.

Së fundmi nga një takim në Shkodër, Rama kërkoi votën e qytetarëve më 11 maj, duke premtuar ndryshime transformuese me Benet Becin.

“Këtu janë edhe të tjerë që janë pjesë e gjeneratës së re, por që janë tanimë edhe në nivel vendor. Kështu që, besoj shumë se ajo që ne filluam me Benetin, duke i dhënë Shkodrës mundësinë të zgjedhë një personalitet po të doni shumëngjyrësh, po të doni pa nghjyrë, përtej llogoreve partiake, është sot në këtë skuadër. Ka njerëz që vijnë nga një rrugë e gjatë në PS, nga një rrugë e nisur me PD-në, nga emigracioni, territori, eksperiencat e ndryshme e deri tek më të rinjtë fare. Ne duam të vazhdojmë të bëjmë shumë për Shkodrën, se është lënë mbrapa.

Këtu jemi në një betejë të përditshme me një prapambetje të madhe, por populli i Shkodrës e shikon ndryshimin. Kemi ndryshuar Malësinë e Madhe, Pukën, Fushë-Arrëzin… Por duke vënë Shkodrën në qendër të gravitetit, përfitojnë edhe këto të tjerat. Hyrja e qytetit sikur futeshe te Lana në Tiranë në vitin 2000, vetëm se në vend të ujit është rruga. Tani aty do jetë një projekt transformues dhe do japë shumë energji pozitive për hyrjen e daljen nga ky qytet, që e ka bekuar Zoti. Na duhet mbështetja e popullit të Shkodrës!”, tha Rama.

Në vrazhdën e fushatës denigruese, kryesocialisti ka vijuar me sulmet ndaj kandidatëve të opozitës, të cilët i ka quajtur “njerëz kot” e qesharakë.

“Janë ca personazhe që të vjen zor që i kanë vënë atje në listën e kënetës. Kënetë e vërtetë! Nëse ka një kartëvizitë këneta është lista e deputetëve të Shkodrës, përjashtuar një person që është zonja në Parlament. Të gjithë të tjerët janë qesharakë, s’kanë lidhje fare me çfarë i duhet Shqipërisë. Njerëz kot, pa lidhje!”, tha Rama.

Të fundit