Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

"Monstër që habiti dynjanë", Rama komenton arrestimin e gjyqtares: Mjekun Prifti e denoncoi drejtori i spitalit

Politiko 13 Shkurt 2021, 12:16

 "Monstër që habiti dynjanë", Rama komenton arrestimin

Kryeministri Edi Rama ka komentuar arrestimin e gjyqtares së Krujës, Enkelejda Hoxha dy ditë më parë nga SPAK.

Gjatë një bashkëbisedimi me qytetarët e Tiranës, Rama e cilësoi Hoxhën një ‘monstër’ që përdori forcën e abuzimit duke liruar nga burgi të dënuar me burgim të përjetshëm.

“Fakti është që një gjykatëse, një monstër, që e përdori në mënyrë spektakolare forcën e papërgjegjshmërisë dhe të abuzimit disa kohë më parë dhe u bë atëherë u habit gjithë dynjaja me vendimet e saj për të liruar njerëz që ishin me burgime të përjetshme dhe për t’i nxjerrë në rrugë të lirë, është sot në burg, tani që flasim, bashkë me gjithë rrjetin e saj.

Ky përbën shembullin që si sistemi do të funksionojë. Duhet shumë durim, se ngritja e institucioneve të reja, krijimi i SPAK, vënia në funksion, fillimi i proceseve hetimore, mbledhja e provave, janë proces i vështirë, kërkojnë kohën e vet. Por a ma tregoni pak para 7 vitesh se kujt ja rrokte mendja se llumi në sistemin e drejtësisë do të hynte në proces pastrimi.

Ne premtuan në 2013 se do të bëjmë drejtësi, por si do ta bëjmë drejtësinë? Do ta bëj? Jo! Ne do të bëjmë atë që nuk u bë qysh nga viti 1991. Se po të ishin bërë këto gjëra atëherë, sot do të ishim më përpara, sepse proceset do e kishin bërë punën. Neve na u desh të fillonim gjërat nga e para, nga hiqi. Kjo është shenjë e sigurt që sistemi ka filluar të funksionojë”, u shpreh kryeministri.

Po ashtu, Rama komentoi edhe rastin e mjekut të QSUT, Edvn Prifti i cili doli në përgjimet e sekretares së gjykatës së Krujës, tashmë të arrestuar, ndërsa pas kontrollit në banesë dhe zyrë iu gjetën 260 mijë euro dhe 160 mln lekë.

“Bashkë me gjykatësen u arrestua një mjek, Shef Pavioni që iu gjetën në shtëpi paratë e dynjasë. Është një lajm shumë i mirë për sistemin, sepse kjo do të rrisë besimin e njerëzve që të denoncojnë. Faktikisht në rastin e mjekut ka pasur një denoncim, që e ka përcjellë drejtori i spitalit në sistem. Për të thënë shikojeni, nuk jam unë që mund ta provoj, por shikojeni.

Dhe kështu gjërat fillojnë e vijnë hap pas hapi. Nuk ka shkop magjik”, tha Rama.

 


 

Të fundit