Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama mbulon "diellin me shoshë": TIMS ka problem teknik, Kadastra është në rregull, të mësojnë ta përdorin

Politiko 25 Gusht 2023, 14:57

Rama mbulon "diellin me shoshë": TIMS ka problem teknik, Kadastra

Kryeministri Edi Rama, ka mohuar skandalin me vjedhjen e të dhënave TIMS, por sipas tij kjo është një histori e sajuar nga persona që kanë humbur pushtetin nga këto të dhëna.

Rama: Për të dytën nuk ka asgjë për tu shqetësuar. Është një histori e nxjerrë dhe manipuluar nga njerëz që kanë humbur pushtetin mbi ato të dhëna mbi policinë e shtetit. Hetimi i brendshëm është kryer i plotë dhe nuk ka asnjë shqetësim. Nuk jam në dijeni të deklaratës së ambasadorit amerikan, se nuk kemi për momentin. Por nuk e di pse i dërguari me atë punë ka bërë deklaratë për këtë gjë, ndërkohë që ne kemi komunikim të vazhdueshëm me ta dhe i kemi dhënë të gjitha sqarimet. Ajo gjë nuk ka ndodhur. Është një problem teknik i brendshëm, ata kanë punën e tyre dhe janë të monitoruar. Hetimi është bërë dhe kjo nuk ekziston.

Pak ditë më parë përfaqësues të ambasadës amerikane, në një takim me ministrin e Brendshëm Taulant Balla, i kërkuan këtij të fundit që të kryhen hetimi lidhur me ndërhyrjet e raportuara në sistemin TIMS në Policinë e Shtetit.

Ndërsa për problemet e shërbimeve nga Kadastra, gjë që ka sjellë problematika për shumë qytetarë, por edhe noterë.

Rama tha se sistemi funksionon, por se nuk i futesh dot mik. Sipas tij, ata që nuk mund të marrin shërbimin nuk dinë të aplikojnë.

Rama: Sa i përket Kadastrës, kjo është një tabelë e të dhënave të Kadastrës. Me blu aplikimet hyrëse, me portokalli përgjigjet.

As nuk diskutohet që sistemi funksionon, nxjerr në kohë të dhëna, por jemi në fazën kur sistemi duhet nga njëra anë të mësohet nga ata që e përdorin dhe nga ana tjetër duhet të kapërcejë presionin negativ të atyre që kanë humbur pushtetin mbi Kadastrën, noterë, sekserë, buburreca brenda në Kadastër nuk kanë më pushtet mbi fatin e aplikimit të qytetarëve në Kadastër.

Nga analizat e bëra, po ju jap vetëm një fakt që flet shumë, që 30% e aplikimeve të noterëve dhe noterët janë persona që nuk është se prekin kompjuterë për herë të parë, 30% bëjnë gabim. Sistemi ka një të keqe të madhe që nuk i futesh dot mik. O ta pranon, o nuk ta pranon. Nuk i futesh dot mik sistemit.

Të fundit