Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama mohon sulmin kibernetik në sistemin MEMEX, kapet me median e opozitën: Nga ky llum bën hajgare çdo haker

Politiko 3 Tetor 2022, 19:05

Rama mohon sulmin kibernetik në sistemin MEMEX, kapet me median e

Kryeministri Edi Rama e ka cilësuar listën e publikuar sot nga hakerat nga sistemi MEMEX të fotomontuar.

Nga Kuvendi, Rama mohoi sulmin kibernetik, ndërsa sulmoi median dhe opozitën, pasi sipas tij asnjë e dhënë sensitive nuk është në dorë të hakerave.

Rama: Asgjë sensitive nuk është marrë dhe nuk ka asnjë lloj vlere në sensin e sensivitetit. Nuk kemi gjëra me sensivitet të veçantë në strukturën digjitale. Arsyeja tjetër që nuk e ka arritur qëllimin është se ne kemi një nivel të caktuar mbrojtje. Nuk ka haker që shkon në ujësjellësin e Durrësit për të bllokuar ujin që vjen në çezmën tuaj. Nuk janë ende infrastruktura të digjitalizuara deri në atë nivel.

Ne kemi një infrastrukturë kritike që është OST, OSHEE, KESH dhe aty sulmi nuk ka pasur sukses se mbrojtja është ngritur prej kohësh. Mos bëhemi qesharakë që për çdo gjë që ndodh i japim një unikalitet sikur ndodh këtu. Sulmet kibernetike janë e përditshme.

Ne jemi marrë vazhdimisht dhe nuk kemi pasur asnjë problem. Ky ishte i një niveli të lartë por nuk e arriti qëllimin. Ju mbase do donit të na kishte gjetur të papërgatitur por nuk na ka gjetur. Kështu që mos u kuturisni në konkluzione qesharake dhe po ju them prapë që ai sulm nuk e ka realizuar qëllimin.

Del një listë sot që s’flet për hakërime po flet se çfarë terreni gjen në terrenet tona, një grup dashakeqësh nga veni ku përzihen kriminelë, gazetarë fut në vorbull që fillon e hedh dyshime e hipoteza. Nuk ka më pjellorë, sesa kanalet e portalet dhe ju! Falë këtij tubacion llumi, mund të bëjë hajgare çdo haker, se ngriheni direkt në këmbë duke bërë fotomontazhe. Ato që kanë bërë nuk janë imazhe nga ministria e mbrojtjes. Është e pavërtetë nga fillimi deri në fund.

 

Të fundit