Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama në iftar pas operacionit, fjalën e mban Linda: Apandesiti nuk doli dhe aq për keq

Politiko 19 Prill 2023, 20:35

Rama në iftar pas operacionit, fjalën e mban Linda: Apandesiti nuk

Bashkëshortja e Edi Ramës, Linda ka mbajtur një përshëndetje të shkurtër para nisjes së darkës që kreu i qeverisë shtroi në kuadër të muajit të Shenjtë të Ramazanit.

Pas një operacioni që hoqi apandesitin të dielën që shkoi, kryeministrit Edi Rama mori disa ditë pushim që të qetësohej. Duke qenë se bashkëshorti i saj sapo kishte dalë nga spitali pas operacionit që ka kryer, ishte Linda ajo që mbajti fjalimin.

Ajo tha se operacioni e kishte një të mirë, pasi u kurseu qytetarëve një fjalim të gjatë që do të mbante kryeministri.

"Të dashur miq dhe të ftuar, e vërtetë që jo çdo e keqe vjen vetëm për keq. Apandesiti i Ramës nuk doli dhe aq për keq sepse tani nuk do të dëgjoni një fjalim të gjatë prej tij, por një të shkurtër prej meje. Ju uroj mirëseardhjen në këtë sofër tradicionale iftari në të cilën muslimanë, të krishterë, besimtarë ose jo, ndajnë bukën mes tyre."

"Në 30 orët e qëndrimit me Edin në spital, pata mundësinë të jem mes një ekipi mjekësh dhe infermierësh të përkushtuar, Aida, Ela, Anxhela, Sonila, Elena, Delina, ishin vajzat që kujdeseshin si flutura mbi kryet e pacientëve pa e thyer heshtjen dhe pa e humbur zhdërvjedhësinë e duarve dhe buzëqeshjen inkurajuese përgjatë orëve të avashta të natës."

"Teksa rrija e ulur në karrige, pak pas mesantës, njëra prej tyre më afrohet dhe më pyet me zë të ulët: Të ju sjell një jastëk? E më parë erdhi se iku duke më lënë në dorë një jastëk të vogël që e mbajta në qafë gjatë natës. Në zbardhje, pashë që jastëku që kishte qëndruar me mua, ishte një jastëk bebesh me një rosak të qëndrisur me dorë në mes të tij."

"I kujt është ky jastëku që ma lehtësoi natën mua? E pyeta. “I vajzës time”, tha, “e mbaj pranë në orët e natës kur jam në punë”. E pashë me admirim për shpirtin e saj edhe e pyeta: Si quhet vajza? “Ajlina”, më tha “dhe i qeshën sytë”."

"Ajlina, ëngjëlli me emrin e vjetër mysliman kishte qëndruar me mua si dritë e Hënës dhe dhuratë e Zotit në një natë të vështirë në natën e Ramazanit dhe me këtë mbresë së njerëzillëkut shembullor, lejomëni të ju uroj edhe ju besimtarë myslimanë që agjërimi të jetë i pranuar.”, u shpreh Linda Rama.

Të fundit