Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama: Në mandatin e tretë s'do ketë më policë në rrugë që ndalojnë makinat

Politiko 19 Mars 2021, 11:14

Rama: Në mandatin e tretë s'do ketë më policë

Kryeministri Edi Rama ka deklaruar se nuk do të ketë më policë në rrugë që ndalojnë makinat për kontroll, në rast fitoreje të një mandati të tretë të tij më 25 prill.

Këtë premtim kreu i qeverisë e bëri gjatë prezantimit të PS-së për shërbimet e qytetarëve. Rama tha se janë duke përfunduar procesin për dixhitalizmin e plotë të shërbimeve të transportit dhe sipas tij gjithçka do të jetë online.

Kryesocialisti tha se me përfshirjen në sistem të monitorimit të trafikut, s’do ketë më policë në rrugë, por do të shkojë në vende të caktuara në terren vetëm kur duhet në raste aksidentesh apo urgjencash.

"Gjobat, ato blloku blloku, blloku blloku. Komisionet, ankesat, rradhët, është drejt fundit. Po merr fund. Do ketë sistem, që ka filluar, por do kompletohet mandatin e tretë, s’ke më lidhje. Gjithçka online. Jo vetëm për policët, po për çdo qytetar, do të jetë online. Polici në kohë reale verifikon targa, taksat e palikuiduara, gjobat. Cilido që merr gjobë s’ka pse shkon në radhë. Të kapën në Durrës-Rrogozhinë, Vlorë, Lushnje, s’ke pse shkon në Lushnjë. Gjithçka online. Sot që flasim ka ndodhur, është fakt për mbi 15 mijë për masa administrative. Organet e Policisë kanë ndjekur pretendimin online, pa ato tmerret. Por me përfshirjen në sistem të monitorimit të trafikut, s’do shihni më policë në rrugë. Do vijë vetëm kur duhet, në rrugë. Nuk do jetë më duke pritur e duke përcjellë. Duke ndaluar e duke lëshuar. Gjithçka online. Shërbimet e transportit janë faqe krejt e re. Ende nuk ka përfunduar. Ende procesi i brendshëm, që është automatizuar për aplikimet online, për procedurat, për dosjet fizike, për të parë nëse ekziston një leje drejtimi direkt aty me një klik. Nuk jemi të kënaqur ne.

Sot është zero. Jemi në kushtet kur në këtë fushë mund të plotësojmë gjithë kuadrin brenda mandatit të tretë. Kujt do ia lini? Do ktheni Spahiun, Spahinjtë, kanë qenë çetë e veçantë e ushtrive të perandorive që suleshin për të rrëmbyer dhe kapur majat. Edhe pushtuar kalatë. Për shërbimet konsullore, është këtu do flasi ministrja e Jashtme. Dhe për shërbimet online do flasë drejtorja e AKSH-it. Ka udhëhequr revolucion në terrenin e përballjes me gjithë zgjidhjet dhe algoritmat që duhen krijuar. Sot kemi vizën elektronike, për ata që duan të vijnë të vizitojnë Shqipërinë. Për ata që duan të marrin punëtorë të huaj.”- tha Rama.