Flash News

Përplasen dy automjete në aksin Laç–Patok, plagoset njëri nga drejtuesit

Aksidentohen në Berat çifti i turistëve nga Arabia

Sulmoi me thikë shkrimtarin duke e verbuar në njërin sy, dënohet me 25 vite burg autori

I biri plagosi me thikë të miturin, nëna e 14-vjeçarit: Në shtëpi erdhi me policinë

Protesta e PD/ Efektivë policie në terren, vendoset gardh metalik

Ditari i Maxhorancës

Rama nis punën, sateliti i parë "Albania 1" do të lëshohet në orbitë në muajin Mars

Politiko 20 Tetor 2021, 12:24

Rama nis punën, sateliti i parë "Albania 1" do të

Pa mbushur një javë nga momenti kur dha lajmin se Shqipëria do të lëshojë dy satelitë në orbitë, kryeministri Edi Rama ka bërë me dije se "Albania 1" do të niset në muajin Mars. Ndërsa "Albania 2", sipas Ramës, do të lëshohet në Qershor.

Kryeministri ka postuar një video në Facebook, ku komunikon me një nga personat që do të asistojë në realizimin e këtij objektivi. Gjithashtu tregon se si do të duken satelitët që do të lëshohen nga Shqipëria dhe pozicionin që do të zënë në orbitë.

Gjatë fjalës në Kuvend, kryeministri Edi Rama është shprehur se Shqipëria do të çojë satelitë në orbitë. Kjo deklaratë ka shkaktuar të qeshura nga radhët e opozitës, ndërsa Rama iu ka thënë se kjo do të bëhet realitet vitin tjetër.

"Do çojmë dhe satelitë në orbitë, qeshni po kur të shikoni satelitët 'Shqipëria në Orbitë' dhe jo mandatin tjetër, por vitin tjetër, satelitët 'Albania 1' dhe 'Albania 2', qeshni por do i shikoni atje në orbitë", tha Rama.

Një ditë më pas, ky i fundit sqaroi se satelitët kanë objektiv forcimin e kontrollit në të gjithë territorin. Sipas Ramës, satelitët do të shërbejnë për të marrë informacion dhe kontrolluar kufijtë, trafikun, krimin, të mbjellat, etj.

"Shqipëria do të ketë satelitë dhe do ketë shpejt për të forcuar kontrollin mbi të gjithë territorin e saj në të gjithë aspektet. Do të ketë dhe dronë inteligjentë që do na ndihmojnë për ta çuar vendin në një nivel tjetër në aspektin e administrimit të territorit.

Janë mjete të një teknologjie të re që garantojnë kontrollin e territorit për shumë gjëra, që nga kufijtë, ndërtimet, monitorimi për informacionet që duhen në luftën kundër trafiqeve, për të mbjellat e bujqësisë dhe për të luftuar krimin e organizuar duke patur kapacitete monitoruese të paimagjinueshme. Nuk do bëjmë asgjë që ndodh për herë të parë në Shqipëri, vende të tjera të zhvilluara e bëjnë", tha Rama

Të fundit