Flash News

“Ndërkombëtarët nuk më thanë 'mos bëj zgjedhje'”, Kurti: Ndërtesat e komunave i përkasin Kosovës

Kompensim i dyshimtë 1.2 mln euro, lihet i lirë ish-sekretari i Ministrisë së Financave

Mbyllja e Albanologjisë qokë për Gjinushin? Gazetarja “zë ngushtë” Kushin

Qeveria miraton shkrirjen e Akademisë së Studimeve Albanologjike

“Nuk kanë det dhe kokat nxehen”, Rama komenton situatën në Kosovë: Ushtria serbe ka fuqi zero

Ditari i Maxhorancës

Rama niset drejt Britanisë së Madhe, takim me Rishi Sunak; fokusi tek emigracioni dhe krimi

Politiko 21 Mars 2023, 09:43

Rama niset drejt Britanisë së Madhe, takim me Rishi Sunak; fokusi tek

Kryeministri Edi Rama do të niset nesër drejt Britanisë së Madhe, ku do të zhvillojë një vizitë disa ditore.

Rama do të takohet edhe me kryeministrin britanik Rishi Sunak. Mësohet se në fokus të takimit do të jetë çështja e emigracionit ilegal, për të cilin qeveria britanike ka marrë masa frenimi.

Po ashtu, Rama dhe Sunak do të diskutojnë edhe për krimin e organizuar dhe bandat shqiptare në Britani.

Emigrimi ilegal me gomone përmes Kanalit të La Manshit drejt Britanisë së Madhe, është kthyer në një çështje serioze që ka sjellë përplasje jo vetëm mes dy qeverive, por edhe në Parlamentin britanik.

Së fundmi, Sekretarja e Brenshme Suella Braverman, zhvilloi një vizitë disa ditore në Ruandë, aty ku do të deportohen të gjithë emigrantët e paligjshëm që mbërrijnë në Britani me gomone. Braverman nënshkroi përditësimin e marrëveshjes me Ruandën.

Gjatë vizitës së saj ajo vizitoi edhe qendrat që do të shërbejnë për strehimin e emigrantëve ilegalë.

Nga ana tjetër, OKB e ka cilësuar planin e Britanisë për deportimin e emigrantëve në Ruandë si shkelje e të drejtave humane për të kërkuar azil, që vendos në rrezik njerëz që vijnë nga vendet e luftës.

Të fundit