Flash News

Shuhet në moshën 86-vjeçare regjisori i njohur Piro Milkani

Helmimi i fëmijëve në Gramsh, autoritetet shëndetësore reagojnë pas publikimit të rastit

SPAK kryen kontrolle në Bashkinë e Tiranës, sekuestrohen 5 telefona

4 ditë pasi ndërhyrjes në një klinikë dentare në Tiranë, vdes në spital 63-vjeçari italian

Igli Tare emërohet zyrtarisht si Drejtori Sportiv i ri i Milanit

Ditari i Maxhorancës

Rama njësoj si Çuçi: Policia nuk dënon. Demaskojini gjyqtarët, faktet janë skandaloze por s'kemi instrumentin që t'i bëjmë zap

Politiko 29 Qershor 2021, 13:54

Rama njësoj si Çuçi: Policia nuk dënon. Demaskojini

Kryeministri Edi Rama iu ka bërë thirrje subjekteve në vijën bregdetare që nuk kanë dokumentacionin të largohen nga sipërfaqet që nuk iu takojnë, ndryshe do të veprohet me forcë nga uniformat blu.

Në një konferencë para gazetarëve, Rama deklaroi se do të nisë zbatimi i një kornize ligjore për hapësirat në plazhe, duke shtuar se policia do të jetë e pranishme në të gjithë vijën bregdetare.

“Duke krijuar konfuzion dhe duke krijuar premisa për konflikte. Një gjë është e padiskutueshme se ajo çka është përcaktuar si kornizë e këtij procesi do të zbatohet me hir ose me pahir. Dua që t’i bëj thirrje të gjitha atyre subjekteve që nuk janë në rregull me dokumentacionin dhe që kanë operuar me teorinë e faktit të kryer që ta largohen nga sipërfaqet që nuk iu takojnë me lidh dhe me rregull. Policia e Shtetit do të jetë e pranishme në të gjithë vijën bregdetare dhe do të konfiskojnë çdo lloj çadre a shezlongu tjetër ndihmëse që nuk është e përputhur me bazën dokumentare të subjektit. Plazhet janë të popullit dhe për aq sa subjektet private janë të përfshira në garantimin e një sezonin turistik janë edhe të tyre si përgjegjësi, aty ku kjo përgjegjësi u është njohur ligjërisht. Kjo skemë e re e administrimit të hapësirës së plazheve ka krijuar më shumë të ardhura për sektorin publik dhe më shumë hapësira për qytetarët që nuk dëshirojnë të jenë pjesë e hapësirave ku plazhi administrohet nga privati. Besoj që përtej disa rasteve që janë bërë publike dhe disave që nuk janë bërë publike, në tërësi baza është pozitive, por në ditët në vijim kjo bazë duhet konsultuar, që piku i sezonit, korriku dhe gushti të jenë të garantuara në këtë aspekt. Subjektet që nuk janë aty ku janë vendosur me teorinë e faktit të kryer do të largohen vetë dhe të mos humbasin dhe atë bazë materiale që kanë siguruar për aktivitetin e tyre sepse ajo do t’u merret si mjet uzurpimi i paligjshëm”, deklaroi Rama.

Lidhur me deklaratat e Bledi Çuçit, Rama ka qenë në një linjë me ministrin e Brendshëm lidhur me ngjarjet e fundit në vend, pasi sipas tij, policia ndalon dhe nuk dënon, ndërsa shtoi se mediat të bëjnë detyrën dhe të demaskojnë gjyqtarët e korruptuar.

Kryeministri tha se trendet e krimeve në vend janë brenda limitit të parashikuar dhe shtoi se rastet e veçanta nuk duhet të trajtohen si përgjithësuese.

“Unë s’jam i shqetësuar, në aspektet e trendit të kriminalitetit dhe aksidentet. Sepse ato shikohen përtej një, dy apo më shumë ngjarjesh. Trendet janë brenda një limiti, që përcakton edhe shkallën se si kriminaliteti ulen apo ngrihen apo nëse uljet dhe ngritjet e tyre janë brenda kufijve të arsye. Natyrisht që ngjarjet e ndodhura janë tronditëse. Për turistët mos kini merak, atmosfera e një vendi ku me demek turistët nuk duhet të vijnë sepse rrezikojnë të vriten rrugëve është në ekran, jo në realitet. Fakti tregon që turistët do të vijnë dhe do të vijnë e nuk ka asnjë ndryshim me vizitat apo pronotimet e tyre. Turistët vijnë nga vende ku ka probleme, situata të vështira dhe 1 ngjarje, 2 apo 4, tragjike, padiskutim, nuk diskutojnë nivelin e sigurisë në një vend. Duhet të kuptojmë mirë se si, është dinamika e çdo ngjarjeje, me çfarë lidhet dhe se natyrisht se çfarë do të bëjë secili.

Patjetër që ne nuk jemi në asnjë sekondë të kënaqur me punën tonë, me punën e strukturave tona, që nga puna ime dhe e cilitdoqoftë të atyre që duan që gjërat të ecin më mirë. Të kalojmë në ekzagjerime të kësaj natyre nuk zgjidhim asgjë. S’e di se si policia e shtetit mund të shmangë një aksident që është si rezultat i çmendurisë e një shoferi në rrugë. Nuk di se si policia mund të gjendet pas mesnate në një vend që bëjnë sherr dy fqinj. Policia e Shtetit nuk dënon, reagon, ndalon dhe çon para gjykatës persona që shkelin ligjin. Në rast se, fjala vjen, mund të konsiderohet një arsye e një tragjedie fakti që personat e përfshirë në tragjedi kanë armë pa leje dhe patjetër që armëmbajtja pa leje te ne dënohet dhe më rëndë se sa shumë vende të tjera të Evropës, nuk është Policia e Shtetit që mund të çojë në burg, ata që çon përpara gjykatësve dhe këta s’i dënojnë as me minimumin që i jep ligji.

Ju duhet të bëni demaskimin e këtyre gjyqtarëve, sepse janë fakte skandaloze që ndodhin dhe gjykatat duam s’duam ne, na pëlqejnë apo jo ne, ata që janë ende në detyrë dhe abuzojnë, nuk kanë një instrument, qeveria që t'i bëjë zap dhe shumë mirë që s’i ka, sepse kemi zgjedhur të jetojmë në një vend demokratik. Duhet të gjithë të bëjnë pjesën e tyre.

Pjesa jonë është e qartë, vazhdimi i reformimit dhe të fuqizimit të rikonstuksionimit të moshës, që kanë të bëjnë me integritetin, me performancën e secilit dhe nga ana tjetër fuqizimin e policisë me teknologji në mënyrë që shumëçka në aspektin e monitorimit të territorit të bëhej më mirë. Kjo është rruga jonë. Shkelja e ligjit është përgjegjësi personale dhe kush e shkel të ndalohet dhe të dënohet. Në tërësi, po iu them përsëri, mjafton të shikoni trendet dhe shifrat e faktet na e bëjnë të qartë se cilat janë detyrat tona deh se çfarë duhet të bëjmë ne si qeveri”, tha Rama.