Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Maxhorancës

Rama: Nuk marrim refugjatë nga Palestina, jemi vend i vogël

Politiko 16 Shkurt 2025, 10:10

Rama: Nuk marrim refugjatë nga Palestina, jemi vend i vogël

“Nuk marrim refugjatë nga Palestina”. Kështu ka deklaruar kryeministri Edi Rama gjatë aktivitetit të zhvilluar në kuadër të Konferencës së Sigurisë në Mynih.

Presidenti amerikan Donald Trump tha disa ditë më parë në një konferencë për shtyp, se Shqipëria është pjesë e listës së vendeve që po merr në konsideratë për dërgimin e refugjatëve palestinezë.

Rama tha se nuk është pyetur nga administrata e Trump lidhur me këtë çështje, duke deklaruar se nuk do të ndodhë që Shqipëria të strehojë refugjatë palestinezë.

“Asnjë nuk na ka pyetur nga administrata Trump por dhe nëse do të na pyesin, çka nuk është e logjikshme, sepse ne jemi në mes të Europës dhe si mund të vijnë tek ne qindra-mijëra vetë, gjithsesi kjo është pjesë logjistike dhe ne jemi një vend i vogël. Por kjo nuk ka për të ndodhur, të paktën jo gjatë qeverisjes sime”, u shpreh Rama.

Duke sjellë në vëmëndjen e të pranishmëve mikpritjen e hebrenjve gjatë Luftës së Dytë Botërore, pranimin e 7 mijë muxhahedinëve dhe strehimin e afganëve që u larguan pas rikthimit në pushtet të talebanëve në vitin 2021, Rama deklaroi se situata me palestinezët është ndryshe.

“Ne na vjen shumë keq për këta njerëz të cilët janë viktima të një prej diktaturave më të egra që ka ekzistuar ndonjëherë, që është Hamasi, por ne nuk jemi pjesë e kësaj historie dhe nuk do të jemi kurrë”, deklaroi Rama.

Të fundit