Flash News

Tërmet në Shqipëri, ja ku ishte epiqendra

Aksident në autostradën Levan-Tepelenë, dy persona të plagosur

Aksident në autostradën Durrës-Tiranë, makina përfundon poshtë kamionit

Inceneratori i Tiranës, GJKKO pranon kërkesën e Bllakos për gjykim të shkurtuar

Shpallen datat e provimeve të Maturës Shtetërore 2025

Ditari i Maxhorancës

Rama sulmon opozitën, asnjë koment për miratimin e 1.4 miliardë euro në 4 minuta

Politiko 20 Nëntor 2023, 12:28

Rama sulmon opozitën, asnjë koment për miratimin e 1.4

Edhe pse nxitoi të miratonte 1.4 miliardë euro projektbuxhet në 4 minuta, Rama vijon të sulmojë opozitën për kaosin e krijuar në Parlament.

Kryeministri, përmes një postimi në platformën “X”, shkruan se deputetët e opozitës përdorën një fjalor rruge në politikë, duke shtuar me gjuhë të ashpër se do të mbeten në fund “si mbeturinat e një anijeje të mbytur”.

“I futën fjalorin e sjelljet e rrugës në politikë, ndërsa politikën e hodhën në mes të katër rrugëve, duke mbjellë sherr, rrëmujë, dhunë dhe korrur humbje, humbje, humbje… Tanimë kanë prekur fundin, ku i ka marrë me vete halli i një të kërkuari nga drejtësia, që nuk do t’i lëshojë derisa të shkërmoqen e të ridalin copa e çika mbi ujë, si mbeturinat e një anijeje të mbytur”, shkruan Rama.

Protesta e opozitës sot në Parlament është në vijim të aksionit të nisur që kur mazhoranca refuzoi tre kërkesat e tyre për ngritjen e komisioneve hetimore parlamentare. Ata kanë paralajmëruar edhe përshkallëzim të situatës, në rast se PS nuk respekton të drejtat kushtetuese të opozitës.

Mirëpo, Rama nuk jep asnjë komenti për lekët që u miratuan sot mes tymit dhe kaosit pa dëgjuar fjalën e deputetëve të opozitës. Në 4 minuta socialistët nxituan të miratojnë projektbuxhetin 2024.

Të fundit