Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ditari i Maxhorancës

Rama sulmon SPAK pas arrestimit të Veliajt: Kjo kaloi çdo limit, drejtësia po devijon nga shinat kushtetuese

Politiko 11 Shkurt 2025, 20:12

Rama sulmon SPAK pas arrestimit të Veliajt: Kjo kaloi çdo limit,

Kryeministri Edi Rama ka sulmuar drejtësinë të cilën aq shumë e lavdëronte, një ditë pas arrestimit të Erion Veliajt dhe disa zyrtarëve të tjerë të afërt me qeverinë e tij. Nga një aktivitet për 105-vjetorin e shpalljes së Tiranës kryeqytet, Rama hodhi akuza ndaj SPAK, duke e cilësuar procesin si të papranueshëm dhe jashtë standardeve të shtetit ligjor.

Duke iu referuar Veliajt, kryeministri theksoi se një njeri i zgjedhur nga populli nuk mund të arrestohet pa gjyq, ndërsa shtoi se aktakuza ndaj tij është bazuar mbi një “novelë anonime” e dorëzuar në shkurt të vitit të kaluar.

“Jemi në një paradoks: sot kremtojmë përvjetorin e kryeqytetit, por mungon kryetari i tij. Kontrata e tij me qytetarët është ndërprerë nga dikush që unë nuk e njoh për fytyrë. Kush e merr një njeri të zgjedhur dhe e mbyll pa gjyq, nuk është e qartë para kujt jep llogari, por me siguri jo para qytetarëve,” deklaroi ai. Rama shtoi se prezumimi i pafajësisë nuk është një parim që mund të anashkalohet dhe se askush nuk mund të ndëshkohet mbi bazën e mungesës së pendesës, duke e krahasuar këtë praktikë me kohën e Sigurimit të Shtetit.

Ai mohoi gjithashtu pretendimet se qeveria ka ndikim mbi drejtësinë, duke e quajtur këtë një propagandë të rreme. “Sot vetëm një idiot mund të thotë që ne kontrollojmë drejtësinë. Ne i kemi dhënë pavarësinë që nuk e ka pasur që nga 1912-a,” tha Rama.

 

Të fundit