Rama paralajmëron rritje të çmimeve për turistët: Do të parakalojmë me të mëdhenjtë

Kryeministri Edi Rama, në një intervistë për gazetën italiane “La Stampa”  duke folur për turizimin ka paraljmëruar rritje të cmimeve.

Rama shtoi se sot vijnë turistët dhe përzihen me dëshirë me shqiptarët, ka ndryshuar qasja në dallim nga e kaluara që paragjykoheshin si “kriminelë, mafiozë, emigrantë të varfër.

Pjesë nga intervista: 

Ju quajnë Maldivet e Mesdheut, flasim për “Alb-mania”. Cilat janë shifrat e këtij bumi?

“Ne po ndjekim rrugën e vendit tuaj. Por kjo verë ka qenë përtej pritshmërive. Kemi pasur +35% të numrit të turistëve, shifrat e italianëve janë mbresëlënëse dhe janë afër gjysmë milioni. Kur fillova punën si kryeministër (viti 2013), aeroporti i Tiranës kishte maksimumi 350,000 fluturime në vit. Tani mbi 6.5 milionë”.

Jeni të përgatitur për këtë bum?

“Për tre apo katër vjet më në fund ka pasur një ndryshim imazhi. Deri para disa vitesh vuanim nga paragjykimi i krijuar në vitet '90, të të qenit gjeneralisht kriminelë, mafioz, emigrantë të varfër që ëndërrojnë "Amerikën", siç thoshte Gianni Amelio. Sot turistët përzihen me dëshirë me njerëzit tanë. Era ka ndryshuar. Duhet të kompensojmë kohën e humbur. Por kujdes: nuk duam të bëjmë gabimet e mëdha të Italisë apo vendeve të tjera, të brigjeve apo të qyteteve “të pushtuara” nga turistët. Mbërritjet masive, kostoja e ulët mund të shkatërrojë të ardhmen dhe të lërë pas katastrofa mjedisore”.

Shqipëria kushton më pak se Italia, Greqia dhe Kroacia. Natyrë e mrekullueshme, dhe e lehtë për t'u përqafuar. Si planifikoni të përmbysni këtë trend?

“Ne kemi barazuar Greqinë dhe sapo kemi kaluar Italinë me numrin e turistëve për frymë. E pabesueshme, por ne kemi punuar shumë për këtë gjë  në këto vite të Rilindjes. Duke parë përpara, ne duam turizëm të balancuar dhe gjithnjë të nivelit më të lartë. Duhen tre apo katër vjet për të qenë gati për të parakaluar me të mëdhenjtë”

 

Ndërkohë duke folur për memen e postuar në rrjetin e tij social që bëri nuj në media ku pasqyrohej një foto e anijes ‘Vlora’ të 8 gushtit 1991, me 20 mijë shqiptarët që zbarkuan në Bari, dhe pranë saj, i njëjti imazh i kundërt: turistët italianë që zbarkojnë në Shqipëri shkaktoi polemika në mediat italiane, Rama është shprehur se kishte rënë në kurth.