Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama: PD, LSI dhe KÇK, tre këmbët e së keqes me dy koka presidentësh që kërcënon drejtësinë

Politiko 3 Mars 2021, 10:42

Rama: PD, LSI dhe KÇK, tre këmbët e së keqes me dy koka

Kryeministri Edi Rama ka prezantuar ditën e sotme programin “Drejtësia që duam”. Sipas Ramës zgjedhjet e 25 prillit do të vendosin fatin e drejtësisë në Shqipëri.

Gjatë fjalës së tij, kryeministri nuk la pa sulmuar krerët e opozitës së bashkuar dhe presidentin Ilir Meta duke thënë se po kërcënojnë fatin e reformës në drejtësi.

“Këto zgjedhje lidhen në radhë të parë me fatin e drejtësisë në Shqipëri për një kohë të gjatë pas 25 prillit, mbase për më shumë se një dekadë. E di që jeni lodhur duke pritur me dekada drejtësinë që meritoni dhe që ne, shumica e sotme, PS duam për Shqipërinë, për çdo qytetar të këtij vendi, që unë dua për fëmijët tanë pa dallim në radhë të parë. Ne i hymë detin në këmbë dhe pse përpara nesh kishim mjegullën e dendur të skepticizmit për pamundësinë e një reforme në këtë vend. Mos harroni çfarë kemi hequr me ata që sot kërkojnë votën tuaj. Mos e harroni se çfarë u desh të bënin partnerët tanë për të sjellë në votim Saliun, Ilirin, Lulin, Monikën për të zhbërë atë koalicion të firmosur kundër drejtësisë. Miq lejomëni të jemi i drejtpërdrejtë. Kush e ka menduar që vota për vettingun dhe vetë vettingu do çonin njerëz një burg nuk e kanë mbajtur parasysh që ajo nuk është një gjykatë partizane, por fshesa e drejtësisë. Presidenti i republikës dhe ish-presidenti më famëkeq mbështeten nga gjyqtarët e korruptuar. PD, LSI dhe KÇK janë tre këmbët e të keqes me dy koka presidentësh që kërcënon fatin e reformës në drejtësi. Nëse 25 prilli ju çon në përkrahjen e atyre forcave për inat të qeverisë, ju garantoj se pa dashje do të bëni një prej atyre gabimeve fatale në jetën e një vendi që i bën një gjeneratë dhe i paguan gjenerata tjetër. Unë nuk dua të ju them se nuk keni arsye të jeni të nevrikosur me mua, pasi ju mund të keni shumë arsye të ndjeheni të zhgënjyer”, tha Rama.

Të fundit