Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama për Majkon: Ka marrë gjithçka nga PS, pas meje. Në zgjedhjet e tjera do flasë për teatrin e ri

Politiko 23 Mars 2021, 17:17

Rama për Majkon: Ka marrë gjithçka nga PS, pas meje. Në

Kreu i PS-së Edi Rama ka prezantuar sot ekipin me 36 kandidatë të forcës së tij politike për Qarkun e Tiranës për zgjedhjet e 25 prillit.

Pas prezantimit të dy ministreve Ogerta Manastirliu dhe Etilda Gjonaj, Rama ka kërkuar t’ia japë fjalën ministrit për Diasporën Pandeli Majko, duke thënë se ka mbështetjen e tyre për shkak të renditjes i 19-ti në listën e Tiranës. Rama tha se Majko është i dyti pas tij që ka marrë gjithçka nga PS dhe për këtë ai është i vetëdijshëm.

“Me mirëkuptimin e të gjithëve, sepse jemi shumë dhe s’,mund të flasin të gjithë në këtë katror në formë rrethi. Unë do doja që në emër të të gjithë atyre që nuk kanë nevojë për vizibilitet të veçantë se janë prej disa vitesh në këtë arenë, të flasim ë i riu prej tyre që është Pandi, i cili meriton në fakt të ketë të gjithë mbështetjen tonë sepse është dhe i 19-ti edhe është dhe në atë zonën e rrezikut dhe me të gjithë solidaritetitin për Pandin. Unë po ja jap fjalën edhe për një arsye tjetër, sepse duke qenë se mbas meje, Pandi është i dyti që ka marrë gjithçka nga PS dhe për këtë ai është i vetëdijshëm siç jam edhe unë është treguar shumë i gatshëm ti përgjigjet edhe asaj që është kërkesa e natyrshme e kësaj beteje që Pandi të jetë veçanërisht aktiv në këtë fazë të ndeshjes kur për pak ditë fillon zyrtarisht fushata.” tha Rama

Ndërsa Majko, gjatë fjalës së tij tha se e ndien presion në këto zgjedhje por jo për shkak të renditjes, por të peshës së përgjegjësisë. Ai tha se socialistët, konkurrencën e kanë me kundërshtarët dhe jo me njëri-tjetrin.

“Me thënë të drejtën, në emër të gjithë kolegëve e kam një lloj presioni për këto zgjedhje, por ky presion nuk vjen nga fakti që jam numri 19 në listë por vjen nga pesha e përgjegjësisë që besoj e ka çdokush nga ne që nga numri 1 deri të numri 36 dhe kjo ka të bëjë me faktin se Tirana është shesh beteja kryesore e kësaj fushate elektorale, por këtu nuk shtrohet fjala vetëm për matematikën se do fitojmë, 19, 20, 21, apo se do fitojmë më shumë. Këtu çështja shtrohet pak më thelbësore. Së pari ky ekip nuk është ekip mbijetese, por ekip shprese, i cili bën një diferencë të madhe me ekipin që publiku i Tiranës ka përballë. Ekipi që kemi përballë është një grup njerëzish që përpiqen të mbijetojnë në politik , kurse ekipi jonë është një ekip që iu bën të qartë të gjithë njerëzve, po në radhë të parë socialistëve dhe atyre që i kanë ndenjur afër PS në ditë të vështira dhe tani jemi shumë afër shkruajtjes së historisë, marrjes së një mandati të tretë. Por kjo nuk është kaq e thjeshtë. Ky nuk është thjesht kryeqyteti i Shqipërisë, është një Shqipëri e kondensuar që mbart brenda ëndrrat, kryeshpresat dhe kryekërkesat dhe përballë ekipit të mbijetesës ne kemi ardhur pa diskutuar se kush është. Në thelb ne jemi një ekip, që pavarësisht nëse kanë ardhur ditën e parë, apo kanë këtu prej vitesh mendoj se ja kemi vënë vetes qëllimin se konkurrencën kryesore ne e kemi me kundërshtarët tanë dhe jo me njëritjetrin. Si mbase pak më i vjetri dua t’i drejtohem publikut të Tiranës që për secilin nga kolegët tanë, votën e kanë për PS-në për të vazhduar këtë ndryshim që ngjan edhe si ky stadium I ri që themeli e ka te Qemal Stafa por këtu po ngrihet një gjë e re. Në Tiranë flenë krye-ëndrrat, prandaj kemi detyrimin për të bërë fushatë” tha Majko.

Rama u shpreh i bindur për marrjen e mandatit nga Pandeli Majko, pasi sipas tij, PS do të marrë 20 mandatë në Tiranë dhe thumboi se në zgjedhjet e ardhshme ministri do të flasë nga Teatri i ri Kombëtar.

“19 është i vetmi numër që unë mund të përmend sepse përsa më takon unë di dhe do përmend vetëm numrin e PS-së, pastaj i takon të gjithëve të bëjnë zgjedhjen e tyre për çdo njërin nga kandidatët, por 19 është një numër që unë e përmend se e para është numri i Pandit, e dyta sepse është objektivi ynë minimal në Tiranë, e treta sepse ne në Tiranë do fitojmë 20 deputetë dhe e fundit, se unë jam i bindur se kur Pandi të jetë i 20-ti në zgjedhjet e tjera do të flasë për Teatrin e ri Kombëtar njësoj siç foli për stadiumin sot se këtë takim në kushte të pashtrënguara nga pandemia, mbas katër vjetësh do ta bëjmë te Teatri i ri Kombëtar. Kështu që për të gjitha këto arsye numri 19 është i veçantë dhe shpresoj që Elisës mos i mbetet aspak hatri që unë përmend vetëm 19-tën.” tha Rama.