Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Ditari i Maxhorancës

Rama reagon për herë të parë për arrestimin e Veliajt

Politiko 11 Shkurt 2025, 08:58

Rama reagon për herë të parë për arrestimin e Veliajt

Kryeministri Edi Rama ka reaguar për herë të parë për arrestimin e bashkëpunëtorit të tij, njëkohësisht dhe kreu i Bashkisë së Tiranës, Erion Veliajt.

Përmes një komunikimi me ndjekësit në rrjetet sociale, Rama u shpreh se mbështetja ndaj drejtësisë do të vazhdojë njësoj dhe do të jetë i palëkundur.

Rama shtoi se heshtja e mazhorancës për arrestimin e Veliajt u keqkuptua.

“U ekzaltuan nga arrestimi i Erionit dhe u turrën për të kërkuar dorëheqjen time. Madje jo vetëm oxhaku i vjetër e blozë i partisë së bufit të kënetës, por edhe mangallët e partiçkave, u përdezën nga era e mishit me gjak që të vijnë këtu të kërkojnë dorëheqjen time se u bë deti kos tani.

 Këtu janë punët e tyre dhe s’kanë lidhje me punën time.

Marrja e kryetarit të bashkisë së Tiranës nga puna për ta mbyllur pa gjyq në qeli, duke lënë një qytet të tërë pa kokën që e kanë vënë, është një ngjarje e madhe. Lajmi që kam për ju sot është se nuk do ti mbaj më për vete opinionet e mia kur ta shoh të arsyeshme për ti ndarë me publikun.

Drejtësia e re ka hyrë tani në një fazë që ka fituar të gjithë vetëbesimin e nevojshëm. Mbështetja jonë do të vazhdojë njësoj. Por nuk ka pse të mos i shpresim dhe opionionet kritike që janë të domosdoshme”-u shpreh Rama.

Veliaj akuzohet për korrupsion pasiv dhe aktiv, pastrim parash dhe fshehje pasurie, në lidhje me çështjen e inceneratorit të Tiranës dhe transaksione të dyshimta financiare të kryera nga familjarët dhe bashkëpunëtorët e tij të afërt.

Gjykata e Posaçme ka firmosur gjithashtu masën e sigurisë “arrest shtëpie” për bashkëshorten e tij, Ajola Xoxa, pas dyshimeve se ajo ka qenë e përfshirë në skema financiare të lidhura me bashkinë e Tiranës.

Ndërkohë, kontrollet e kryera më herët në zyrat dhe banesën e Veliajt kanë zbuluar prova që, sipas SPAK, forcojnë dyshimet për përfitime të paligjshme përmes kontratave fiktive dhe kompanive të regjistruara në emër të familjarëve të tij.

Të fundit