Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Ditari i Maxhorancës

Rama e anuloi, pas disa orësh e ‘rikthen’ ERE: Fasha 800 kilovat do të aplikohet, varet nga kostoja

Politiko 30 Shtator 2022, 22:40

Rama e anuloi, pas disa orësh e ‘rikthen’ ERE: Fasha 800

Disa orë pasi kryeministri Edi Rama lajmëroi përmes Facebook se vendimi për shtrenjtimin e energjisë për ata që kalojnë fashën 800 kwh nuk do të aplikohet ashtu sikurse ishte lajmëruar nga data 1 tetor 2022, vjen reagimi i ERE, Entit Rregullator të Energjisë.

Në një njoftim zyrtar, ERE ka publikuar çmimet për konsumin e energjisë elektrike nga konsumatorët familjarë, që konsumojnë mbi 800 kWh, që hynte në fuqi në 1 tetor.

ERE thekson se çmimi i energjisë elektrike do të rishikohet në përputhje me ndryshimet e kostove të sigurimit të energjisë elektrike.

“Për të gjithë konsumatorët familjare që furnizohen nga shërbimi universal.

ERE ka publikuar tashmë çmimet e përditësuara për konsumin e energjisë elektrike nga konsumatorët familjarë, që konsumojnë mbi 800 kËh. Aktualisht këto çmime janë të aplikueshme për periudhën 1 tetor deri më 31 dhjetor 2022.

Me VKM nr. 584, datë 08.10.2021, Qeveria ka shpallur gjendjen e emergjencës së furnizimit me energji elektrike.

Në situatën aktuale të luhatshmerisë së lartë të burimeve të furnizimit me energji elektrike, nga prodhimi vendas, vendimmarrja e Entit Rregullator të Energjisë mbi ndryshimin e çmimit të shitjes së energjisë elektrike, është objekt rishikimi peroidik. Ky rishikim do të kryhet në përputhje me ndryshimet e kostove të sigurimit të energjisë elektrike.

ERE ka detyrimin të reflektojë çmimet e energjisë së konsumatorëve fundorë, kostot e furnizimit sipas burimit të siguruar të energjisë”, njofton ERE.

Reagimi i ERE vjen pas akuzave të shumta se ky institucion është i varur nga qeveria dhe merr vendime të motivuara politikisht.

Të fundit