Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama thirrje opozitës nga Shkodra: Bëni fushatë se për të humbur keni, por mos vini në rrezik shëndetin e ndjekësve tuaj

Politiko 18 Mars 2021, 17:51

Rama thirrje opozitës nga Shkodra: Bëni fushatë se për

Kryeministri Edi Rama ka kritikuar takimet elektorale të Partisë Demokratike, pasi në disa qytete të vendit kryedemokrati Lulzim Basha është pritur me ovacione dhe rrethuar nga shumë banorë të zonës.

Nga Shkodra, Rama i bëri thirrje PD dhe partive të tjera që të bëjnë fushatë, por duke respektuar rregullat anti-Covid, pasi sipas tij vënë në rrezik shëndetin e njerëzve.

“Erdhën në Shkodër duke krijuar një zonë covid duke thyer komplet rregullat duke vënë në rrezik shëndetin e ndjekësve të tyre më fanatik, dhe nuk e kuptoj pse duhet të rrezikojnë të ngrijnë gishtat, flamujt e ulëritur sikur të ishim në fillim të viteve ’90 me të njëjta forma që nuk i takon kësaj kohe, aq më tepër në kohë pandemie.

Ne jemi këtu për të respektuar deri në fund detyrimin tonë ndaj njerëzve në një proces elektoral dhe ti japi mundësinë të na njohin si skuadra, të vlerësohen pjesëtarët e të njihen me planin tonë të veprimit, por kjo është më pak e rëndësishëm sesa sfida e sfidave me armikun, lufta me armikun e padukshëm që jam i vendosur ta largojmë duke vaksinuar e duke respektuar rregullat.

Ca do me thënë kjo? Bëhen shfaqje gjasme si spontane me ulëritës që vijnë për të ngritur gishtat dhe me dhëndrin që hipën mbi makinën e dasmës e buzëqesh duke tundur dajre. Këto skena nuk i takojnë një force politike që e ka seriozisht për alternativë të vendit.

Nuk mund të asgjësojmë efektet e virusit sa hap e mbyll sytë, por të eci mes masave shtrënguese për të punuar, e të ulim kokën me keqardhje kur shohim se humbim jetë njerëzish, por s’mund të jemi me virusin për luftë politike e fushatë. Është e neveritshme.

E di që gjasat që të ndryshojë janë zero sepse papërgjegjshmëria është karakteristike ë mënyrës funksionimit të PD dhe atyre kacatorrëve që ka rreth vetes.

Të përsërisësh të njëjtën gjë dhe të presësh rezultat tjetër është karakteristikë e budallenjve.

Nuk besoj që budallallëku të jetë deri në atë nivel që mos ketë reflektim. Ndaj përsëris apelin që bëjeni betejën, bëjeni fushatën, bëjini të gjitha se për të humbur se për të humbur keni.

Sigurisht do të keni një humbje më dinjitoze se ajo e mëparshmja se do arrini të merrni mbrapsht një pjesë të atyre skllevërve siç i quante Luli, të LSI-së, që do të vijnë të rikthehen në shtëpi, por më fund të ditës mos harroni se kush e ka sot një mundësi të shfaqet në publik, ka detyrimin të tregojë përgjegjshmëri në raport me rregullat që kemi vënë dhe jo më kush kërkon përgjegjësi për të drejtuar Shqipërinë”, tha Rama.