Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama thumbon BE-në nga Austria: Urime që më latë në këmbë, kështu trupi do ndalë vrullin e gojës

Politiko 25 Qershor 2022, 15:18

Rama thumbon BE-në nga Austria: Urime që më latë në

Kryeministri Edi Rama ndodhet sot në Austri në Forumin Europian Wachau për temën “Ruajtja e së ardhmes së Europës dhe zgjerimi i BE”. Në fjalën e tij gjatë forumit, Rama nuk kurseu as thumbat dhe kritikat për unionin.

Kryeministri u shpreh se sot BE ka nevojë për Ballkanin Perëndimor aq sa edhe rajoni ka nevojë për BE-në. Teksa ironizoi liderët evropianë të BE-së për ‘Jo-në’ e negociatave, Rama tha se Austria do t’i shërbejë si ilaç pas depresionit në Bruksel.

“Sot faktikisht BE ka nevojë për Ballkanin, po aq sa Ballkani ka nevojë për BE-në. Nga ana tjetër duhet të them se nuk është ide e mirë që të ftosh dikë nga Ballkani dhe ta lësh të ulet sepse mund të kërkojë vërtetë shumë kohë që të dëgjosh fjalën e tij. Ndaj urime të gjithë atyre që patën idenë që unë të qëndroj në këmbë në mënyrë që trupi im t’i ndalë vrullin gojës sime. Më lejoni tju them po kështu se nuk ka vend më të mirë se Austria për të marrë veten nga mbledhjet depresive të Brukselit”, tha Rama.

Kryeministri ka folur edhe për Bullgarinë, ku vijon të këmbëngulë në faktin se po mban peng jo vetëm Shkupin, por edhe Tiranën.

“Shumë njerëz i komentuan ato çfarë thashë në konferencë si zemëratë të madhe, po mund të jetë por ka të bëjë me BE-në. Pasi qëndruam për 4 orë të tëra me të gjithë udhëheqësit e vendeve të mrekullueshme ndjemë pafuqinë e tyre përballë një situate surreal ku një vend i NATO-s Bullgaria merr vend dy vende të tjera të NATO-s në mes të një lufte dhe 26 vendet e tjera nuk mund të bënin asgjë. Dje parlamenti bullgar votoi diçka që shpresoj të jetë mjaftueshme për miqtë tanë e Maqedonisë së Veriut por kjo nuk është vetëm Bullgaria është fryma e deformuar e zgjerimit. Ka diçka të thellë që është humbur dhe duhet rekuperuar shumë shpejt”, u shpreh Rama.

Të fundit