Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Maxhorancës

Rama vizitë në Kajro, nënshkruan 3 marrëveshje me homologun egjiptian: Premtoj linjën e drejtpërdrejtë Kajro-Tiranë

Politiko 23 Tetor 2021, 16:48

Rama vizitë në Kajro, nënshkruan 3 marrëveshje me homologun

Kryeministri Edi Rama ka zhvilluar ditën e sotme një vizitë zyrtare në Egjipt, ku është pritur me ceremoni shtetërore. Ai ka zhvilluar një takim me homologun egjiptian, Mostafa Madbouly, ku kanë nënshkruar dhe tre marrëveshje që lidhen me kulturën.

Marrëveshjet e nënshkruara:

1. Memorandum mirëkuptimi mbi bashkëpunimin në fushën e muzeve ndërmjet Muzeut Historik Kombëtar të Republikës së Shqipërisë dhe Këshilli i lartë i Antikiteteve i Republikës Arabe të Egjiptit

2. Program ekzekutiv mbi bashkëpunimin kulturor midis Ministrisë së Kulturës së Republikës së Shqipërisë dhe Ministrisë së Kulturës së Republikës Arabe të Egjiptit

3. Protokoll bashkëpunimi ndërmjet panairit të librit në Tiranë dhe Organizatës së përgjithshme të librit egjiptian

Rama dhe Madbouly zhvilluan dhe një konferencë të përbashkët për mediat. Kryeministri Edi Rama foli për miqësinë mes dy vendeve, duke kujtuar që Egjipti ka mirëpritur shumë shqiptarë, duke iu ofruar atyre pozicione të mira pune.

Gjithashtu u ndal dhe te lidhjet tregtare mes dy vendeve, ndërsa premtoi për një linjë direkte Kajro-Tiranë, që sipas Ramës, do të ndihmonte në rritjen e turistëve shqiptarë më Egjipt.

“Më lini të shpreh mirënjohjen time për mikpritjen që përcaktohet me ndjenjë e fortë të miqësisë. Egjipti mirëpriti shumë shqiptarë, emigrantë nga Shkodra, pa harruar Korçën. Më duhet të them se shqiptarët qoftë të mysliman apo të krishterë ishin administratorë apo edhe doktorë. Kujtoj dr. Mihal Turtulli, i krishterë. Unë jam krenar të them që shqiptarët dhanë kontributin e tyre dhe dhanë shumë për këtë vend”, tha Rama.

Shifrat e tregtisë janë modeste ndërkohë që kemi potencial. Marr me vete premtimin për të vendosur linjën e drejtpërdrejtë Kajro-Tiranë. Nga pala jonë avionët nuk do të jenë kurrë bosh. Do të ndihmojë shumë shqiptarë që duan të bëjnë pushimet këtu", tha Rama.

 

Të fundit