Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama zbardh takimin me kryeministrin e Luksemburgut: Avokati më i zëshëm i Shqipërisë në tryezën e BE-së

Politiko 26 Gusht 2022, 11:10

Rama zbardh takimin me kryeministrin e Luksemburgut: Avokati më i

Kryeministri Edi Rama dhe homologu i tij i Luksemburgut Xavier Bettel mbajtën konferencën e përbashkët për shtyp pas takimit në Kryeministri.

Rama zbardhi pikat kyçe që diskutoi me Bettel në zyrën e tij, teksa u fokusua tek integrimi i vendit në Bashkimin Evropian. Rama tha se Bettel ka qenë gjithmonë avokati më i zëshëm i Shqipërisë edhe kur zyrtarët e saj nuk kanë qenë të pranishëm.

Kryeministri theksoi se vizita e Bettel përkon edhe me 100-vjetorin e njohjes së Shqipërisë nga Luksemburgu.

“Është një kënaqësi e veçantë të mirëpres sot me kolegët, kryeministrin e Luksemburgut, mik i çmuar. Mik i çmuar jo sepse fjalët e bukura duhen thënë pasi kërkon politesa e rastit, por Luksemburgu dhe kryeministri kanë qenë mbështetësit më të zëshëm të Shqipërisë dhe Maqedonisë së Veriut për çeljen e negociatave për anëtarësim. E falënderova përsëri dhe dua ta falënderoj publikisht për faktin se në të gjitha instancat, kryeministri ka qenë avokat i ynë kur nuk kemi qenë të pranishëm. Më vjen mirë që kjo vizitë përkon me një vit të veçantë të historisë tonë me Luksemburgut, 100 vjet nga njohja që ky shtet i bëri Shqipërisë. Kemi folur për vijimësinë në BE, dhe kemi diskutuar edhe për marrëdhëniet bileterale. Barriera e perceptimin që i pengon rëndom të tjerët të vijnë në Shqipëri është kapërcyer. Nuk dua të zgjatem por shtoj se në Luksemburg ka një komunitet shqiptarët dhe kryeministri flet me admirim për shqiptarët që jetojnë në vendin e tij. Falënderoj kryeministrin edhe për interesimin e tij të posaçëm për rajonin, siç e thashë në hyrje Luksemburgu në tryezën e BE është një zë shumë i rëndësishëm. Përpjekja për të nxitur dialogun mes Kosovës dhe Serbisë, për të nxitur përmirësimin e klimës, apo një proces politik sa më stabël në Malin e Zi janë pjesë e agjendës së interesit të Luksemburgut dhe kryeministrit Bettel. E falënderoj për rolin e veçantë në procesin e bindjes së aktorëve të tjerë për të dhënë më në fund vendimin për çeljen e negociatave”, tha Rama.

Të fundit