Flash News

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Ditari i Maxhorancës

Rama zotohet të luftojë korrupsionin e prokurimeve publike me Inteligjencën Artificiale

Politiko 13 Prill 2024, 16:42

Rama zotohet të luftojë korrupsionin e prokurimeve publike me

Pas satelitëve, Albania 1 dhe Albania 2, kryeministri Edi Rama nuk e ka fshehur fantazinë për të eksperimentuar me teknologjinë, edhe kur vjen puna te korrupsioni, për të cilën qeveria e tij është vënë në qendër të kritikave.

Së fundmi, në podcastin e tij, Rama ka ndarë dëshirën që prokurpimet publike dhe korrupsionin që buron prej tyre, t’i luftojë me Inteligjencën Artificiale. Atë proces që qeveria e tij nuk e bëri dot transparent dhe jo vetëm kaq, por e kthehu në burim të ardhurash për zyrtarë e qeveritarë, Ram rroket ta luftojë me AI-në.

“Prokurimet që janë një problem nga ku buron edhe pjesa më e neveritshme e qelbit të korrupsionit. Me modelin e inteligjencës artificiale ne mund ta kapërcejmë komplet këtë gjë. Duke e kapërcyer komplet, s’kemi më nevojë për këtë konsum të madh energjish të bëjmë këto procese dhe nga ana tjetër neutralizojmë në një masë shumë të madhe atë burim qelbi. E kthejmë prokurimin e fondeve publike në një proces transparent dhe të thjeshtë dhe të lexueshëm”, u shpreh Rama.

Korrupsioni, për të cilin kryeministri jonë flet, ankohet dhe bën gati armët ta luftojë, buron nga radhët e qeverisë s ëtij, edhe pse refuzon ta pranojë.

Raporti i fundit i Freedom House vinte theksin mbi korrupsionin si një dukuri shqetësuese në Shqipëri.

Ish-zv.kryeministri Arben Ahmetaj ndodhet në arrati pas akuzave për korrupsion, pastrim parash dhe fshehje e pasurisë. Kryebashkiaku i Rrogozhinës, Edison Memolla, po hetohet nga SPAK për korrupsion. Kryebashkiaku i Kamzës, Rakip Suli është thirrur disa herë në SPAK pas denoncimeve të opozitës për korrupsion.

Ish-kryebashkiaku i Durrësit, Vangjush Dako i cili sot është jashtë qelisë së burgut, u dënua për shpërdorimin e fondeve publike.

Lista e zyrtarëve dhe ish-zyrtarëve të Ramës që sot akuzohen, denoncohen dhe hetohen për korrupsion është e gjatë, por mbetet për t’u parë sa sukses do të ketë korrupsioni i luftuar nga Inteligjenca Artificiale e Ramës.

Të fundit