Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Maxhorancës

Rama zyrtarizon ndryshimet në qeveri, emrat e rinj shkojnë për dekretim te Begaj

Politiko 2 Mars 2026, 11:15

Rama zyrtarizon ndryshimet në qeveri, emrat e rinj shkojnë për

Kryeministri Edi Rama do t’i dorëzojë këtë të hënë Presidentit Bajram Begaj propozimet për ndryshimet në kabinetin qeveritar, gjatë një takimi në Pallati i Brigadave.

Sipas procedurës kushtetuese, kreu i shtetit ka një afat prej shtatë ditësh për të dekretuar shkarkimet dhe emërimet e reja. Më pas, përbërja e re e qeverisë do të paraqitet për votëbesim në Kuvendi i Shqipërisë, ku nevojiten të paktën 71 vota për miratim.

Belinda Balluku largohet nga posti i zëvendëskryeministres. Në vend të saj, si numri dy i qeverisë, është propozuar Albana Koçiu. Ndërkohë, drejtimin e sektorit të energjisë dhe infrastrukturës pritet ta marrë Enea Karakaçi, ish-drejtues i OSHEE.

Ndryshim ka edhe në Ministrinë e Mbrojtjes, ku Pirro Vengu largohet nga detyra dhe zëvendësohet nga Ermal Nufi. Lëvizje regjistrohet edhe në diplomaci: Elisa Spiropali zëvendësohet nga diplomati Ferit Hoxha.

Në kabinetin e ri përfshihen gjithashtu Eriona Ismaili si ministre për Marrëdhëniet me Parlamentin dhe Toni Gogu si ministër i Drejtësisë. Ndërsa drejtimin e Ministrisë së Brendshme pritet ta marrë Besfort Llamallari.

Pas dekretimit nga Presidenti dhe votimit në Kuvend, pritet që qeveria e rikonfiguruar të nisë zyrtarisht detyrën me përbërjen e re.

Të fundit