Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Ditari i Maxhorancës

Raporti i Dick Marty-t, PS dorëzon në Kuvend kërkesën për ngritjen e Komisionit të Posaçëm Parlamentar

Politiko 25 Nëntor 2020, 10:26
Raporti i Dick Marty-t, PS dorëzon në Kuvend kërkesën
Foto Ilustruese/ Kuvendi

Kreu i grupit parlamentar socialist, Taulant Balla, ka dorëzuar në Kuvend një kërkesë për ngritjen e Komisionit të Posaçëm Parlamentar për hetimin dhe pretendimet në raportin e Dick Marty mbi luftën në Kosovë.

Kërkesa e firmosur nga 18 deputetë të parlamentit shqiptar bëhet me qëllim krijimin e një Komisioni për hetimin e rolit të politikanëve apo partive politike shqiptare në raportin e Dick Marty.

Sipas mazhorancës Komisioni i Posaçëm do të hartoj një raport përmbledhës dhe informues brenda një afati 3 mujor për t’ia prezantuar Kuvendit.

“Komisioni i Posaçëm i Kuvendit duhet të hartojë një raport të detajuar përmbledhës dhe informues për të gjitha këto çështje dhe t’ia prezantojë Kuvendit të Shqipërisë brenda një afati tre mujor. Komisionit duhet t’i vihet në dispozicion dokumentacioni i plotë që disponojnë institucionet publike, sipas legjislacionit në fuqi lidhur me dokumentacionin zyrtar dhe atë të klasifikuar”,thuhet në kërkesën e PS dorëzuar Kuvendit.

Kujtojmë se, ditë më parë Rama akuzonte Bashën, se kishte qenë “përkthyes” i shqiptarëve të marrë në pyetje për këtë çështje, duke e cilësuar atë edhe si “kujdestar i dosjes së Shtëpisë së Verdhë”.

Ndërkaq, prej gati dy javësh në politikën shqiptare është ngritur debati se pse qeveria Berisha-Meta votuan pro raportit të Dick Marty në Këshillin e Europës, çështje kjo e cila është mohuar nga opozita.

Demokratët sqaruan se nuk kanë votuar kurrë raportin e Dick Marty, por një rezolutë që kërkonte hetim për çështjet e ngritura në atë raport që e inkriminonin UÇK.

Po ashtu, nga ana tjetër faktorë të shumtë mbarëshqiptarë i kanë bërë kërkesë parlamentit për miratimin e një rezolute që përkrah luftën e UÇK, si dhe dënon zyrtarisht gjenocidin e njohur botërisht nga Serbia mbi shqiptarët. 

Raporti i Dick Marty-t, PS dorëzon në Kuvend kërkesën

Raporti i Dick Marty-t, PS dorëzon në Kuvend kërkesën

Raporti i Dick Marty-t, PS dorëzon në Kuvend kërkesën

Të fundit