Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Maxhorancës

Rasti 'Gjeli'/ BIRN: Sulmet e Ramës ndaj gjyqtarëve dhe prokurorëve, përpjekje për të minuar besimin e institucionet e drejtësisë

Politiko 11 Korrik 2025, 19:38

Rasti 'Gjeli'/ BIRN: Sulmet e Ramës ndaj gjyqtarëve dhe

Prokurorja e Shkodrës, Elsa Gjeli, reagoi të premten me një kërkesë drejtuar Këshillit të Lartë të Prokurorisë kundër deklaratave të kryeministrit që i cilësoi si “fyerje dhe diskreditim të figurës së magjistratit”. Në kërkesë, Gjeli tha se kryeministri e kishte ekspozuar “ndaj një linçimi të pashembullt mediatik dhe duke minuar çdo kuptim të drejtësisë si një sistem i ndarë nga pushteti ekzekutiv”.

Drejtuesja e Këshillit të Lartë të Prokurorisë, Mirela Bogdani, tha se anëtarët po e shqyrtonin kërkesën dhe ende nuk kishte një qëndrim.
Ndërkohë, pas publikimit të kërkesës së Gjelit, ministri i Drejtësisë, Ulsi Manja, tha se kishte bërë ankim për fillim të procedimit disiplinor ndaj prokurores. Manja pretendoi se ajo kishte vendosur pushimin e çështjes pa kryer asnjë veprim hetimor dhe pa bërë verifikime.

“Rast flagrant të mos ushtrimit të ndjekjes penale dhe hetimit për ndërtimin pa leje të një parku turistik në zemër të Thethit”, tha Manja, duke e përshkruar vendosjen e 10 kontejnerëve si park.Manja këmbënguli se prokurorja kishte bërë shkelje disiplinore duke mos nisur hetimet pas materialit kallëzues.

Por Gjeli, në kërkesë për KLP, bëri me dije se referimi që ajo kishte marrë ishte krejt i ndryshëm nga pamjet që u shfaqën në media dhe se vendi i ngjarjes që i ishte bërë me dije nga policia dhe IMT kishte ndryshuar. “Vendi i ngjarjes kishte ndryshuar, duke u betonizuar sheshi ku ishin vendosur kontejnerët, lidhur energjia elektrike dhe kontejnerët duket se ishin të përdorshëm/banueshëm”, tha Gjeli në kërkesë.

Ajo bëri me dije se në kallëzim i ishte referuar se kontejnerët ishin të vendosur në pllaka guri dhe se në shesh nuk ishin kryer punime. Madje, IMT si kallëzues e kishte referuar rastin si kundravajtje administrative. Gjeli thotë se i kërkon KLP të analizojë sjelljen e kryeministrit në kontekstin e cenimit të pavarësisë së Prokurorisë dhe respektimit të ndarjes së pushteteve, të bëjë një deklaratë zyrtare në mbrojtje të trupës së prokurorëve nga sulme të papranueshme politike dhe të marrë masa për të garantuar sigurinë dhe integritetin profesional të magjistratëve “që ndihen të persekutuar për shkak të vendimeve të tyre të pavarura”. Ajo shton se është e hapur të hetohet.

Kjo nuk është hera e parë që kryeministri sulmon haptazi gjyqtarë dhe prokurorë. Sulmet më të ashpra u bënë ndaj prokurorëve të SPAK që po hetojnë kryebashkiakun e Tiranës, Erion Veliaj. Rama shpërtheu atëherë në figura letrare si “drejtësia i ka sytë me gjak”, akuzoi për arrestime pa vendim gjykate e të ngjashme. Fushata u pasua me linçim të prokurorëve në media. Por pretendimet e Ramës dhe qëndrimet e tij publike duket se u rrëzuan, pasi arresti i Veliajt u konfirmua në të treja shkallët e gjyqësorit. Sulmet e kryeministrit ndaj gjyqtarëve dhe prokurorëve e sistemit në tërësi shihen nga ekspertët si një përpjekje për të minuar besimin e publikut te institucionet e drejtësisë. Reporter.al