Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Revolucioni Dixhital/ Rama bën bilancin: Shqiptarët kanë kursyer 4 mln euro dhe 472 vjet pritje në radha

Politiko 2 Mars 2021, 12:26

Revolucioni Dixhital/ Rama bën bilancin: Shqiptarët kanë kursyer

Në konferencën e përjavshme me fokus ekonominë, kryeministri Edi Rama deklaroi se ky do të ishte forumi i fundit për këtë mandat, ndërsa u fokusua tek Revolucioni Digjital.

Sipas tij, ky revolucion po transformon marrëdhëniet e shtetit me qytetarin dhe po hidhen bazat e një sistemi antikorrupsion.

Ndër të tjera, Rama tha se krahasuar me vitin 2013 kur vendi kishte, sipas tij, vetëm 1% të shërbimeve online dhe 50 mijë përdorues, sot kemi 21207 shërbime dhe 1.87 milionë përdorues.

“Në fund për ta mbyllur këtë cikël kemi lënë një nga aspektet më të rëndësishme të transformimit të ndodhur në këto vite që është Revolucioni Dixhital përmes të cilit, hap pas hapi po ndodh një proces transformimi rrënjësor i marrëdhënies midis shtetit dhe qytetarëve, po hidhen bazat e një sistemi të sigurt antikorrupsion, dhe po sigurohet perspektiva e afërt e kalimit të Shqipërisë në një nivel tjetër, që priret drejt funksionimit të brendshëm të shtetit dhe marrëdhënies transparente me qytetarët.

Më lejoni t’ju kujtoj se dy goditjet e rënda që kemi marrë, tërmeti dhe pandemia nuk do të ishin përballuar dot nëse ne nuk dot ishim në fazën e këtij revolucioni kur këto dy ngjarje e gjetën Shqipërinë.

Të na kishte gjetur në kohën kur ky shtet kishte vetëm 1% të shërbimeve online dhe vetëm 50 mijë përdorues të këtyre shërbimeve, ndërsa sot nga 14 shërbime që ishin kur ne e nisëm këtë revolucion kemi 21207 shërbime dhe nga 50 mijë përdorues kemi 1.87 milionë përdorues. Nga 51 mijë aplikime për shërbime online në vitin 2013, sot kemi 7.7. milionë.

Nga ana tjetër, kemi bërë një llogari dhe pa këtë revolucion deri në këtë fazë ku ka ardhur ne do të kishim konsumuar 472 vjet pritje në radha, janë shkurtuar 472 vjet kohë pritje në radha, si kohë e harxhuar. Vetëm gjatë pandemisë janë shërbyer 1.2 milionë biznese, janë kursyer 293 vite pritje dhe në total qytetarëve u janë kursyer 4 milionë euro që do kishin shkuar për tarifat minimale për dokumente në radhë pa llogaritur kursimet e bakshisheve dhe ryshfet  që ky sistem i asgjëson komplet. 95% e shërbimeve janë online”, tha Rama.

Të fundit