Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rriten me 6% pagat e personelit shëndetësor dhe mësuesëve të arsimit parauniveristar

Politiko 6 Korrik 2022, 12:56

Rriten me 6% pagat e personelit shëndetësor dhe mësuesëve

Pagat e personelit shëndetësor dhe mësuesëve të arsimit parauniveristar janë rritur me 6%, duke nisur nga ky muaj. Vendimin e bënë me dije ministret përkatëse pas mbledhjes së qeverisë, që u zhvillua paraditen e sotme.

Ministrja e Shëndetësisë, Ogerta Manastirliu tha se, “nga kjo rritje përfitojnë rreth 19 mijë mjekë, infermierë dhe profesionistë shëndetësorë, që ofrojnë shërbimet në të gjithë sistemin tonë shëndetësor, në atë parësor dhe atë spitalor”.

Manastirliu lajmëroi gjithashtu edhe vendimin për një shpërblim financiar për mjekët që kanë përfunduar specializimin dhe e ushtrojnë profesionin e tyre larg vendbanimit.

“Qeveria shqiptare ka miratuar edhe një shpërblim financiar në masën 15 mijë lek në muaj për të gjithë ata mjekë që përfundojnë specializimit dhe në bazë të kontratave me Ministrinë e Shëndetësisë e ushtrojnë profesionin e tyre larg vendbanimit. Nga ky shpërblim do të përfitojnë rreth 300 mjekë”, tha Manastirliu.

Ndërsa ministrja e Arsimit, Evis Kushi bëri me dije se nga ky vendim do të përfitojnë rreth 36 mijë mësues.

“Për të gjithë punonjësit e sistemit arsimor parauniversitar, finalizuam angazhimin që kemi ndërmarrë që në fund të vitit të kaluar me miratimin e buxhetit për këtë vit.

36 mijë punonjës që do përfitojnë nga data 1 korrik. Po rritet edhe paga e punëtorëve psikosocialë dhe oficerëve të sigurisë. Dua të theksoj që do të ketë rritje edhe për orët suplementare të mësuësve. Me 10% shtesa e orës suplementare për mësuesit”, njoftoi Kushi.

 

Të fundit