Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rritja e çmimeve të konsumit, Ibrahimaj: Është nën monitorim, si do arrihet rritja e pagës dhe nxitja e punësimit

Politiko 30 Shtator 2021, 09:56

Rritja e çmimeve të konsumit, Ibrahimaj: Është nën

Rritja e çmimeve për mallrat konsumit ka shqetësuar konsumatorët. Pas rritjes së çmimit të bukës ende nuk ka pasur një reagim nga instancat për t’i dhënë një zgjidhje situatës.

Ministrja e Financave dhe Ekonomisë Delina Ibrahimaj është shprehur në një intervistë për A2 CNN, se situatat po mbahet nën monitorim, teksa theksoi se një ndër faktorët që diktoi rritjen e çmimit është edhe aio ndërkombëtar.

“Çmimet e mallrave të konsumit janë rritur. Arsyet janë të ndryshme, sigurisht janë faktorët ndërkombëtarë që kanë efektin kryesorë të kësaj rritje. Çmimet e miellit në veçanti, e kam fjalën për çmimin e bukës. Megjithatë, inflacioni ende nuk është shqetësues. Të gjitha politikat që ne folëm për rritjen e pagave në ekonomi shkojnë për të ndikuar në rritjen e çmimeve dhe në përballimin nga konsumatorët të rritjes së çmimeve. Patjetër që ka ndjeshmëri për ta monitoruar si situatë. Ne jemi në monitorim të vazhdueshëm që të bëjmë një reagim sa më të shpejtë ndaj çdo ecurie, e cila mund të fillojë të konsiderohet si e qëndrueshme, problematike,” u shpreh Ibrahimaj.

Ibrahimaj tregoi se si do të bëhet nxitja e punësimit si një synimet e mandatit të tretë të qeverisë duke u përqëndruar në investimin te disa sektorë të ekonomisë deri te sipërmarrjet e vogla.

“Rritja ekonomike dhe punësimi janë dy elementë të lidhur ngushtë me njëri-tjetrin. Shifrat e punësimit kanë qenë të kënaqshme gjatë vitit 2020 dhe vitit 2021, duke treguar një tejkalim të atij efekti që u dha nga pandemia. Qeveria do të vazhdojë investime të mëdha që shoqërohen me punësim në sektorë që janë të lidhur me punën si, turizmi, bujqësia. Nga ana tjetër, qeveria do të ndihmojë sipërmarrjet e vogla. Ka një sërë masash në programin e qeverisë që do të ndihmojnë biznesin e vogël me qëllim që të ketë një zhvillim të punësimit në këtë sektor. Nga ana tjetër, ka projekte të mëdha, si ai i Durrësit, ku pritet të ketë zhvillim në turizëm, por edhe një numër të madh të punësuarish. Parashikohet që punësimi të vazhdojë të rritet me ritmin e rritjes ekonomike," ka thënë Ibrahimaj.

Ndër të tjera, Ibrahimaj tregoi edhe planin e qeverisë për rritjen e pagave në nivelin 30-40%. Sipas saj, në planin e përcaktuar për rritjen e nivelin të pagës, synohet forcimi i mirëqenies së gjithë ekonomisë dhe jo vetëm disa punëtorëve.

“Patjetër që është i realizueshëm. Rritja me 30 deri në 40% është një rritje e shpërndarë ndër vite. Është një premtim dhe ne synojmë të rritet mirëqenia e gjithë ekonomisë dhe jo vetëm e të punësuarve në administratë publike. Synimi kryesor i kësaj është se shteti shërben si target edhe për privatin. Ne synojmë që edhe nëpërmjet të rritjes së pagës minimale, synojmë nxitjen e pagave edhe në sektorin privat dhe jo vetëm në sektorin shtetëror. Ndonëse deri tani masa e rritjes së pagës nuk ka qenë në të njëjtat nivele, pagat mesatare në sektorin privat janë rritur me 25%. Ne do të donim që ato të vazhdonin rritjen. Ne kemi të parashikuar në program një fokus në digjitalizim dhe teknologjinë e informacionit të cilat vijnë të shoqëruara me paga më të larta. Besoj se rritja e pagës mesatare do të vazhdojë këtë ritëm rritje. Rritja e pagës minimale detyrimisht ndikon edhe në rritjen e pagës mesatare”, u shpreh ministrja.