Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rritja e kostove për bujqësinë/ Braçe kritika qeverisë, Krifca ‘fajëson’ me fenomenin global

Politiko 10 Shkurt 2022, 18:00

Rritja e kostove për bujqësinë/ Braçe kritika

Deputeti socialist Erion Braçe e ka kritikuar shpesh qeverinë për reformat, vendimet dhe impaktin e tyre në ekonominë e vendit. Së fundmi, Bracec ka qenë kritik edhe me impaktin që ka rritja e çmimeve të lëndëve të para në bujqësi, për bujqit.

Nga Kuvendi deputeti kërkoi interpelancë me ministren e Bujqësisë Frida Krifca, lidhur me kostot në rritje të lëndëve të para në bujqësi. Sipas tij, teksa shifrat flasin për një rritje ekonomike, sektori i bujqësisë është i përjashtuar. Përgjegjës për kostot e larta sipas tij, janë tre faktorë.

“Në 3 mujorin e parë të 2021 ekonomia u rrit 5.53 % ndërsa bujqësia u rrit me 0.01 %. Në 3 mujorin e dytë ekonomia u rrit me 17.89 % dhe bujqësia pësoi rënia 0.19 % në tremujorin e tretë ekonomia u rrit me 6.99 % ndërsa bujqësia u rrit me 0.05 %. Pra ekonomia është rritur, vlera e shtuar gjithashtu por jo bujqësia. 45 % e popullsisë duket si e përjashtuar nga rritja ekonomike dhe nga të ardhura e ardhura prej saj, kjo është pabarazi. Rritja ekonomike me ketë kosto është iluzion. Natyrisht që ka arsye pse ndodh kjo, në bujqësi ka dy element të rëndësishëm, e para kosto e prodhimit dhe e dyta çmimi i produkteve në këtë sektor. Nëse kosto rritet që ndikon plehun, naftën, fidanët dhe çmimet e prodhimit bujqësor mbeten në vend është e qartë se nga kjo skemë e thjeshtë se bujku falimenton, nëse ndodh edhe për një cikël të dytë prodhimi nuk ka më se çfarë të mbjellë. Ka tre probleme të mëdha në gjithë këtë histori. E para është bllokimi dhe taposja e tregut nga karteli i grumbulluesve, e dyta është skema e TVSH-së që miratuam në dhjetor, dhe e treta është humbja e krahut të ri të punës që po e bën dhe më të shtrenjtë punën në bujqësi”, u shpreh Braçe.

Ministrja Krifca është jutifikiuar me fenomenin global të rritjes së çmimeve duke thënë se buxheti i vënë në dispozicion të bujqësisë, është më i larti i akorduar ndonjëherë më parë.

“Kjo rritje është në nivel global. Disbalanca e menjëhershme e çmimeve të lëndëve energjetike dhe gazit natyror konsiderohen tepër të rëndësishme për këtë ndryshim. Buxheti i vënë në dispozicion në mbështetje të drejtpërdrejtë, është më i larti i akorduar ndonjëherë pas vitit 1991, me 3.2 miliardë lekë duke mos llogaritur këtu edhe fondet e IPARD të cilat për këtë vit pritet të injektojnë jo më pak se 27 milionë euro në sektor”, iu përgjigj Krifca.

Nga ana tjetër, për të ilustuar abuzimet që bëhen në treg Braçe citoi hetimin e Autoritetit të Konkurrencës i cili gjobiti tre kompani që importonin plehra kimike.

“Edhe pse ligji jep liri të këtij tregu udhëzimet e kufizojnë lirinë duke dhënë ekskluzivitete. Agro Blend, MBM janë konstatuar me sjellje jo ligjore, dhe furnizojnë çdo ndërmarrje që është në treg duke caktuar çmimet”, tha Braçe.

Ndërsa Krifca u shpreh se ministria e ka shumë pak të mundur ose aspak të ndërhyjë. “Ministria ka pak ose aspak mundësi për të hetuar, për të dalë në përfundim apo për të marrë masa që synojnë rritjen e konkurrencës”, theksoi Krifca.