Flash News

Konflikti në Fushë-Milot, policia del me njoftim: Nuk u gjet asnjë gëzhojë

Përplasja në KZAZ Vorë, KQZ revokon akreditimin e vëzhguesve

Sherr në një qendër votimi në Fushë-Milot, qëllohet me armë

Shifrat/ Vlora, qarku me pjesëmarrjen më të ulët në votime

Erion Veliaj voton në ambientet e paraburgimit të Durrësit

Ditari i Maxhorancës

Rritja e pagave ‘përplas’ socialistët, Xhafaj del kundër: S’ka logjikë, komisioneri paguhet më shumë se gjyqtari

Politiko 19 Maj 2023, 11:59

Rritja e pagave ‘përplas’ socialistët, Xhafaj del

Deputeti Fatmir Xhafaj ka kritikuar ligjin e qeverisë për rritjen e pagës minimale. Xhafaj ka thënë në Komisionin e Ligjeve se projektligji në fjalë nuk ruan hierarkinë, dhe se ka njerëz që marrin më shumë se sa iu takon në bazë të profesionit.

Xhafaj tha se ka disa paga, siç janë pagata e komisionerëve, që rezultojnë të jenë më të larta se ato të gjyqtarëve dhe prokurorëve. Deputeti tha se edhe në raport me pagën e depuetit, pagat e komisionerëve të propozuara në projektligj rezultojnë të jenë më të larta.

“Konstatoj që nuk ruhet hierarkia. Përkundrazi. Do të kemi njerëz që do të marrin shumë më tepër se funksione të caktuara. Ju e argumentoni me ndërhyrjet duke qenë se këto janë të parashikuara me ligj.

Pyetja ime është, ose më saktë ajo që unë kërkoj të sqaroj është a nuk kishte zgjidhje tjetër që të ndryshonit ligjet kuadër që të rregullojnë pagat për të rregulluar hierarkinë e tyre, ato që lidhen me sistemin e drejtësisë, duke e lidhur me funksione të tjera. Nuk ishte pengesë paga e gjyqtarëve dhe prokurorëve. Ajo që më vret syrin është që shikoj që disa paga me rritjen që kërkoni ju të bëni, të gjitha këto komisionet të shërbimit civil, këshilli kombëtar i radios, KQZ, mbrojtja e të dhënave personale në ndryshimin që bëhet e kalojnë pagën e gjyqtarit dhe prokurorit në mënyrë të ndjeshme.

Unë nuk besoj se këta bëjnë një punë më të dobishme se një gjyqtar dhe një prokuror. Po të marrim të gjithë këta komisione edhe në raport me deputetin janë shumë më lart. Nëse i marrim nga pikëpamja e hierarkisë dhe peshës që zënë nuk mund të jetë kështu. Është e papranueshme kjo lloj logjike”, tha Xhafaj.

 

Të fundit